Yesaia 49:1-26
49 Kegh nen ato a mo, ne uicile,Shi ver nen ishima, ne akuraior a ne lu ica la.+
Yehova yilam cii ve i marem ye.*+
Hii shighe u m lu ken iyav mbu ngôm la je, a ter iti yam.
2 A er zwa wam hingir er sanker u esen nahan;A yerem ken mure u uwegh nagh.+
A erem m hingir ivaan i i kôngor i yô;A yerem ken gbandeavaan na.
3 A kaa a mo ér: “We Iserael u ngu ortom wam,+Ka sha ikyev you me tese iengem yam ye.”+
4 Kpa m kaa mer: “Ka gbilin m ye ican ye.
M vihi agee a am sha gbilinkwagh, sha kwagh u injaa ga.
Kpa mimi je ijir yam ngi sha ikyev i Yehova,*Shi injar yam ngi a Aôndo wam.”+
5 Hegen yô Yehova, Un u a erem ken uya ér m lu ortom na la,Kaa ér mo m hide a Yakob hen a na,Sha er a kohol Iserael hen a na yô.+
A nam icivir sha ishigh ki Yehova,Shi Aôndo wam una hingir agee a am.
6 Shi a kaa ér: “U ngu ortom wamSha u me va a uipyaven mba YakobShi me hide a mba ken Iserael mba i de ve lu uma her la yô, kpa ngula tseegh kuma ga.
Shi m na u u hingir iwanger i akuraior,+Sha er myom wam una nyôr sha akighir a tar yô.”+
7 Ka kwagh u Yehova, Orpaan u Iserael, Un u a lu Icighan na la,+ a kaa a un u i laha un,+ un u a ndôhôr ikyurior ishima, a lu ortom u mbahemenev la je ne, ér:
“Ator aa nenge aa mough a tile sha,Shi mbahemenev vea gure inyaSha ci u Yehova, Un u a lu Icighan u Iserael;Un u a tsough u la+ ka u mimi.”+
8 Ka kwagh u Yehova a kaa je ne, ér:
“Sha iyange i eren a ior doo doo* la, m ungwa u,+Shi sha iyange i myom la, m wase u;+M za hemen u kuran we sha u me na u hingir ikyuryan sha ci u ior,+Sha u me hide me sôr tar la,Sha u me na ve lu a udyako vev mba i vihi kera la,+
9 Sha u me kaa a mba ve lu ken purusu la mer, ‘Due nen kera!’+
Shi me kaa a mba ve lu ken ime la+ mer, ‘Due nen i nenge a ven’ yô!
A na ve kwaghyan sha akpe a gbenda,Ajiir a ve a ilev yan toho la cii aa lu sha igbenda i ior kpishi ve karen sha mi yô.*
10 Ijen ia kôr ve ga, shi imura ia kôr ve ga,+A tsee ve iyol ga, shi iyange kpa ia ta ve ga.+
Gadia un u a zungwen ve mhôônom la una hemen ve,+Shi una kumba ve a za a mi hen amboramnger.+
11 Me gema iwo yam cii ia hingir gbenda,Shi me kende a igbenda yam i vesen sha.+
12 Nenge! Ior mough ica mba van,+Mbagen mough ken imbusutarimese man shin ityôtar mba van,Mbagen di mough ken tar u Shinim mba van.”+
13 Ger nen amo sha iember, ne usha, shi ember, we tar.+
Iwo i hingir yar yar, ve ger amo sha iember.+
Gadia Yehova sur ior nav ishima,+Shi zungu ior nav mba i ne ve ican la mhôônom.+
14 Kpa Shion za hemen u kaan ér:
“Yehova kendem,+ shi Yehova hungur a mo.”+
15 Kwase nana fatyô u hungur a wan u nan u man atumbaa?
Shin nana zungwe wan u nan u ken uya mhôônom gaa?
Aluer kasev mban vea hungur je kpa, mayange mo me hungur a we ga.+
16 Nenge! M nger iti you ken akevaveegh a am.
Ukpekpe ou mba sha ishigh yagh hanma shighe.
17 Ônov ou yevese hide.
Ior mba ve ande u kera shi ve yôhôr we la, vea kar hen a we kera.
18 Kende ashe a ou sha nenge ijiir you cii.
Ve cii mba kohol imôngo.+
Mba van hen a we.
Ka kwagh u Yehova a kaa je ne, ér: “Mimi je, er m lu u uma ne,U haa ve cii iyol er ka i haa akaa a hweegh nahan,Shi u kange iyol a ve er kwasehe ka nan er nahan.
19 Er yange i hembe ajiir a ou hingir ice shi tar wou hingir alôgh nahan kpa,+Hegen yô, ua ndahar sha ci u ior mba ve lu her la a gande,+Shi ior mba yange ve mena u la,+ vea lu ica a we.+
20 Ônov mba i mar shighe u ônov ou kpe kera la, vea ôr kwagh a we a kaa ér,‘Ijiir ne ndahar sha ci wam gande.
Nam ijiir m lu heen.’+
21 Shi u kaa ken ishima you wer,‘Ka an nan lu ter u mbayev mba i nem nee?
Gadia m ngu kwase u ônov av ve kpe, m lu ikyôm,I yem a mo uikyangen, m lu ken purusu yô.
Ka an nan yese ve?+
Nenge! Yange i undum m lu tswen,+Nahan ka han mban ve mough ve ve?’”+
22 Ka kwagh u Yehova, Ter u Hemban Cii a kaa je ne, ér:
“Nenge! Me kende uwegh agh sha akuraior,Shi me kende a ikyav yam* sha ior.+
Vea va a ônov ou mba nomso sha ave a ve*Shi vea tôô ônov ou mba kasev sha akende a ve.+
23 Utor vea hingir mbanengen sha a we,+Shi ônov mba kasev mba utor vev vea lu uyese ou.
Vea gure u inya, vea wa mshim vem inya,+Maa vea ndiar ihyundu i shin angahar a ou,+Nahan u fa er mo m lu Yehova yô;A hee mba ve veren ishima sha a mo la ga.”+
24 A fatyô u ngohol ior mba orageegh nan vande kôron ve la hen a nana?
Shin a fatyô u yiman ior mba or u vihin tu nan yem a ve uikyangen laa?
25 Kpa ka kwagh u Yehova a kaa je ne, ér:
“Ior mba orageegh nan ker ve nan yem a ve uikyangen la je kpa, a ngohol ve kera,+Shi a yima ior mba or u vihin tu nan ker ve la.+
Me hendan kwagh a mba ka ve hendan a we la,+Shi me yima ônov ou.
26 Me er mba ve nzughul a we la vea ya inyam ve,Shi vea hunde sha awambe a ve, er ve ma wain u nyohon nahan.
Nahan ior cii vea fa er mo m lu Yehova,+Oryiman wou+ man Orpaan wou,+Kua Orageegh u Yakob yô.”+
