Yesaia 42:1-25
42 Nenge! Ngun ka wanye wam+ u m suen un yô!
Ka un u m tsough,+ u i doom a na yô!+
M wa jijingi wam ken a na;+Una va a ijirôron i mimi hen akuraior.+
2 Una genger imo shin una ôr kwagh taver taver ga,Shi a ungwa imo na sha godobi kpaa ga.+
3 Una mase kever ijinga i sombon ga,Shi una pir tsar u yughur mnyim ga.+
Una va a ijirôron i mimi.+
4 Una vôr shin una gba uwer ga, zan zan una kar van a ijirôron i mimi sha tar;+Uicile mba keghen tindi* na.
5 Ka kwagh u Yehova, Aôndo u mimi,Un u a Gbe usha shi a Hembe Cii, a samber ve,+Un u a samber tar man akaa a a lu sha u,+A ne ior mba ve lu sha u iôôn+Man mba ve zenden sha u jijingi la a kaa je ne,+ ér:
6 “Mo Yehova m yila u ken perapera;M kôr u uwegh.
Me kura u shi me na u u lu ikyuryan i ior+Man iwanger i akuraior,+
7 Sha er u bugh ashe a a pir la,+U dugh orkwar shin ihyungwa keraMan mba ve tem ken ime la ken purusu kera yô.+
8 Mo m ngu Yehova. Ka iti yam je la;Me na or môm icivir yam ga,*Shin me na ieev mbi gban a gba iwuese yam kpaa ga.+
9 Nenge, akaa a hiihii la kure sha mi;Hegen yô, m ngu yôôn akaa a he.
Cii ve a er yô, m ôr ne kwagh u a.”+
10 Wa nen Yehova icam i he,+Wa nen icam i wuese un sha akighir a tar,+Ne mba ne senen ne ze shin zegemnger man ne mba ne lu shimi la cii,Ne uicile man mba ve tem ker la.+
11 Taaikyôngo man agar a na a ger amo,+Ajiir a Kedar+ a lu her la kpa a ger amo.
Ior mba ve lu ken vande la kpa ve ger amo sha iember;De ve ger amo sha ityouv mbi iwoogh.
12 Ve na Yehova icivirShi ve wuese un ken uicile.+
13 Yehova una due er ka orageegh nahan.+
Una nder gbashima na er ka orutya nahan.+
Una ngor, een, una genger imo i utya;Una tese ér un ngu a agee hemba mbahyomov nav.+
14 “M ungwa ato shighe kar hegen.
M ngu ving shi m kôr iyol yam tsaha.
Me kine shi me toghor shi me ôô fegh-fegh hen icin i môm,Er kwase u a lu maren nahan.
15 Me vihi iwo man agungu vindi vindiShi me er imendenev vev mbia uma.
Me er uifi vea hingir uicile*Shi me uma atungu a mnger a ve.+
16 Me hemen mbaapirashe sha gbenda u ve fe u ga yô,+Shi me er ve vea zende sha igbenda i ve fe i ga yô.+
Me gema ime i i lu ve sha ishi la ia hingir iwanger+Shi me gema ajiir a lun agungu man apev aa hingir vaanaa.+
Ka kwagh u me er sha ci ve je ne, me kende ve ga.”
17 Vea hide ijime shi vea va ahenge tsung,Mba ve suur sha ieev mbi gban a gba la,Mba ka ve kaa a ieev mbi iyôôgh* ér: “Ne mba mbaaôndo asev” la.+
18 Ungwa nen, ne mba ne kondo ato la;Kenger nen zulee, ne mba ne pir ashe la.+
19 Ka an nan pir ashe? Kera ka wanye wam gaa?
Nan kondo ato je er ka orôron-loho u m tindi la nahana?
Ka an nan pir ashe je er un u i ne un injar laa?
Nan pir ashe er wanye u Yehova nahana?+
20 U nenge a akaa kpishi, kpa u za hemen u kuran ga.
U bugh ato a ou, kpa u kegh ato ga.+
21 Sha ci u perapera na yô,Doo Yehova u kenden a tindi* sha, shi tesen ér ka kwagh u icivirigh.
22 Kpa ka ior mba i ye ve ishar shi i ngohol ve akaa yô;+Ve cii i yisa ve shin ahungwa shi i yer ve ken upurusu.+
I ya ve ishar kpa or ngu u wasen ve ga,+Shi i ngohol ve akaa kpa or ngu u kaan ér: “Hide a mi!” ga.
23 Ka an ken a ven nana ungwa kwagh ne?
Ka an nana ver ishima nana ungwa kwagh ne sha er nana zua a iwasen sha shighe u a lu van ken hemen laa?
24 Ka an nan ne Yakob ér i ngohol un akaaShi nan ne Iserael ér i ya un ishara?
Kera ka Yehova, Un u se er un isholibo la ga zee?
Ve venda u zenden sha igbenda na,Shi ve venda u kuran tindi* Na.+
25 Nahan A za hemen u haan iyugh na sha a na,Kua ishimavihin na man iyugh na i utya.+
Mbi vihi hanma kwagh u a lu ikyua a na cii, kpa a ver ishima ga.+
Mbi tim un gburu gburu, kpa kwagh gba un sha mi ga.+
