Yesaia 13:1-22
13 Ka kwagh u Yesaia+ wan u Amoshi nenge a mi ken mpase u sha mnenge ér una er Babilon+ je ne:
2 “Kende a ikyav*+ sha, sha uwo u lun a avande tseegh.
Yila ve, er uwegh,Sha er vea fatyô u nyôron sha ihinda i ashagbaaior yô.
3 M ôr mba m tsough ve* la kwagh u vea er yô.+
M yila mbautyaav av mer ve va tese ishimavihin yam,Ve ember sha ihyagh.
4 Ungwa nen! Ikpelaior ngi sha iwo;Mba eren ayôôso er ior mba ve ngee kpishi nahan!
Ungwa! Ayôôso a ityartor,Ayôôso a akuraior a i kohol a imôngo yô!+
Yehova u akum a sha ngu kohol ikyumutya sha u nôngon ityav.+
5 Mba van ken tar u icaa,+Ve mough hen akighir a usha,Yehova man ikyav mbi tswamev mbi iyugh na,Sha u van a mtim sha tar cii.+
6 Gber kwelegh, gadia iyange i Yehova zurum!
Ia va er mtim u a dugh hen Uhembanagee Cii nahan.+
7 Ka nahan ve ave cii aa haa gbedaa,Shi ishima i hanma or ia sough sha mcie ye.+
8 Mciem gba ior iyol.+
Mba kunden iyol gbir gbir shi mba ken mnyoon,Er kwase u toghor mar nahan.
Ve kenger hanma ve, kpiligh ve iyol saa her,Ishiv vev tese ér kwagh tser ve.
9 Nenge! Iyange i Yehova ngi van,I cier iyol, ka iyange i ishimanyoon man ishimavihin tsung,Sha u a er tar u hingir kwagh u cier iyol,+Man sha u a tim mbaasorabo mba ken tar la sha u kera yô.
10 Gadia asan a sha man azukuasan*+ a veAa kera ta iwanger i a ga;Iyange ia due kpa ia wa ime,Shi uwer ua ta iwanger i u ga.
11 Me tsaha tar sha ci u kwaghbo u u,+Shi me tsaha aferaior sha ci u isholibo ve.
Me bee a ihyagh i mba wan igbongor,Shi me hee ihyagh i ior mba vihin tu.+
12 Me er orumace u kaka ne nana hemba banen a zanaria u wang,+Shi me er uumace vea hemba banen a zanaria u ken Ofir.+
13 Ka nahan ve me er usha vea gbidye akarkase iyol,Shi tar ua tenger a kar hen ijiir i u kera+Sha ci u ishimanyoon i Yehova u akum a sha, sha iyange i ishima ia vihi un tsung la ye.
14 Er ihyo i i lu zendan ér a wua man er ikyumuile i i lu a or u kohol i ijiir i môm ga nahan,Hanma or nana hide hen ior mba nan;Hanma or nana yevese nana yem ken tar u nan.+
15 Hanma or u i zough a nan cii a kuma nan a kar a due keela,Shi hanma or u i ker nan cii nana kpe ku u sanker.+
16 A ande ônov vev avur avur sha ashe a ve,+A kura akaa a ken uya vev cica,Shi a kighir kasev vev a yav a mi.
17 Nenge, m ngu van a Mbamede vea va ta ityav sha a ve,+Mba azurufa a gbe ve kwagh ga,Shi zanaria kpa a doo ve ga la.
18 Vea wua agumaior sha mbaada vev;+Kunya a kôr ve a kwagh u a dugh ken sagh ga,Vea zungwe mbayev mhôônom ga.
19 Shi Babilon, u a hembe lun a icivir* a ityartor igen,+Un u a lu mdoom man ihyagh i Mbakaldi la,+Una hingir er Sodom man Gomora shighe u Aôndo tim ve kera la nahan.+
20 Mayange ior vea kera tema ker ga,Shin una lu ijiir i ior vea tema ker sha ikyov ikyov kpaa ga.+
Orarabia nana tim tenti her ga,Shi mbakuranilev vea za a ilev vev ér mbi za mem her ga.
21 Annyamev mba ken desereti vea yaven her;Ayou a ve aa iv a avungu.
Ukonkofi vea lu her,+Shi anivoov mba ken toho* vea numben her.
22 Annyamev vea vaa ken ayou a taven a na,Shi aniwaav mba ken toho vea vaa ken ayou a tor a na a doonashe.
Shighe na zurum, nahan a seer un ayange ga.”+
