Yesaia 53:1-12
53 Ka an nan ne jighjigh a kwagh u nan ongo hen a vese laa?*+
Man uwegh ku Yehova yô,+ ka an i tese nan ku?+
2 Una due sha, er mende nahan+ sha ishigh nagh, er mise u hen tar u u om tseghe tseghe nahan.
A doo ashe ga, a engem kpaa ga;+Nahan ka sea nenge a na yô, mluashe na a yange se u zan ikyua a na.*
3 Yange gba ior kwagh ga shi ve palegh un,+Yange fa er or ka nana lu ken mnyoon ve i lu yô, shi fa er or ka nana gba angev ve i lu yô.
Lu inja er i yer ishigh nagh hen a vese yô.*
Yange i naan un icivir ga, shi se laha un.+
4 Mimi yô, un iyol na tôô iangev yasev,+Shi tôô mbamnyoon asev kpaa.+
Kpa se nenge un ser i tsaha un,* shi Aôndo bula un ngu yan ican.
5 Kpa i kuma un+ sha ci u tindi wase u peren;+I na un ican tsung sha ci u asorabo a ase.+
I tsaha un sha ci u bem wase,+Shi i bee se angev sha ci u avav a na.+
6 Se cii se sambe er iyôngo nahan,+Hanma or nan yem gbenda u nan,Shi Yehova haa isholibo yase cii sha or la.+
7 I na un ican+ shi a de ér i na un ican,+Kpa a bugh zwa na ga.
I va a na er iyôngo i i lu yemen a mi u za sôngon nahan,+Er ngôyôngo u a lu ving sha ishigh ki mbatôndon un aive nahan,A bugh zwa na ga.+
8 I na un ican shi i kôr un i yem a mi a u ôron un ijir sha mimi shio;Shi ka an kwagh a gba nan u fan kwagh u kov na vighe vighe?*
Gadia i tôndo un ken tar u mbaumav kera;+I gbidye un* sha ci u tindi u peren u ior av.+
9 Shi i ver ijiir i iin un vea mbaaferev,+Kpa va kpen yô, i ii un vea mbanyarev,*+Shin er a er kwaghbo ga*Shi i zua a aie ken zwa na ga nahan kpaa.+
10 Kpa lu ishima i Yehova u a ya ican tsung, shi de un gba angev.
Aluer u na uma na a hingir nagh ku iboogh yô,+Una nenge a ônov nav,* una seer ayange a na,+Shi ka sha ikyev na kwagh u Yehova a soo la una kure ye.*+
11 Una yaan ican cii yô, kwagh u a nenge a mi la una kuma un.
Ka sha mfe na orperapera, ortom wam,+Una na ior kpishi vea hingir mbaperapera,+Shi una tôô asorabo a ve ye.+
12 Sha ityôkyaa la yô, me na un kwar hen atô u ior kpishi,Nahan una kar ishar vea ior mba ageev,Sha ci u a na uma na zan zan nyôr ken ku je kpaa,+Shi i nenge un ér ngu môm ken mbaperenatindi;+A tôô isholibo i ior kpishi,+Shi a zamber sha ci u mbaperenatindi.+
Ngeren mba shin kpe
^ Shin a fatyô u kaan ér, “ken kwagh u se ongo laa?”
^ Shin “mluashe na doo je u se soo un ga.”
^ Shin a fatyô u kaan ér, “Yange lu er or u ior ve gem mshim vem hen a nan kera nahan.”
^ Shin “ta un angev.”
^ Shin “mlu u uma naa?”
^ Shin “i gbidye un kpe.”
^ Zwa Heberu, “ornyar.”
^ Shin “shin er a er ipila ga.”
^ Shin “una er ishima na ye; una er kwagh u i doo un la ye.”
^ Zwa Heberu, “vor na.”
