Yesaia 2:1-22
2 Ka kwagh u Yesaia wan u Amoshi nenge sha kwagh u Yuda man Yerusalem je ne:+
2 Ken ayange a masejime yô,Uwo u iyou i Yehova i lu sha mi la ua tile dông,Ua tav a kar iwo igen cii+Shi a kende a u sha, ua kar agungu,Nahan ior mba ken akuraior cii vea kôndo sha mi lugh lugh.+
3 Ior kpishi vea za vea za kaa ér:
“Va nen, se kôndo nen sha uwo u Yehova,Sha iyou i Aôndo u Yakob.+
Una tese se igbenda na,Nahan se zenden sha igbenda na.”+
Gadia tindi* una due ken Shion,Shi kwaghôron u Yehova una due ken Yerusalem.+
4 Una ôr ijir hen atô u akuraior,Una sôr akaa vough vough* hen atô u ior kpishi.
Nahan vea tôô usanker vev vea var ikyav mbi kahan sule a mi,Shi vea tôô awange a ve, vea var ahô a sôron ikyon a mi.+
Ikyurior igen ia kera tôô sanker a ikyurior igen ga,Vea kera hen ityav kpaa ga.+
5 We ya u Yakob, va,Se zende nen ken iwanger i Yehova.+
6 Gadia u kende ior ou, ya u Yakob,+Sha ci u mba a akaa a sha Ityoughkitaregh kpishi;Ka ve er ahir+ er Mbafiliti nahan,Shi mba a mbayev mba ushirmbaiorov kpishi.
7 Tar ve iv a azurufa man zanaria,Shi akaainjaa a ve ngee gande u ôron.
Tar ve iv a anyinya,Shi akekeautya a ve kpa ngee gande u ôron.+
8 Tar ve iv a mbaaôndo mba gbilinigh.+
Ka ve gure tom u ave a ve inya,Ka ve gure kwagh u ahôavee a ve a er la inya.
9 Nahan or u nan gur inya yô, nan hee iyol i nan,U fatyô u den ve kwaghbo ga.
10 Nyôr ken vande za yer shin inyaSha ci u ishimavihin i Yehova i cier iyol laMan icivir na i hemban la.+
11 A shir a ashe a or u wan ihyagh inya,Shi igbongor i ior ia gure inya.*
Ka Yehova tseegh a kende a na sha, sha iyange la ye.
12 Gadia ka iyange i Yehova u akum a sha.+
Ngi van sha hanma or u wan ihyagh shi kenden a iyol sha cii,Sha hanma or u nan gbe kwagh shin nan gbe kwagh ga kpaa,+
13 Sha ikyon i sedar i ken Lebanon i i tav shi i kende sha la cii,Man sha ikyon i ouki i ken Bashan cii,
14 Sha iwo i taven cii,Man sha agungu a taven cii,
15 Sha hanma iyou i taven cii man sha hanma gir u taver cii,
16 Sha utso mba Tarshishi cii,+Man sha utso mba doon cii.
17 A shir a ihyagh i or inya,Igbongor i ior ia gure inya.*
Ka Yehova tseegh a kende a na sha, sha iyange la ye.
18 Mbaaôndo mba gbilinigh vea bee kera vindi vindi.+
19 Shi ior vea nyôr ken ubar mba ken avandeMan ken ijô i shin inya,+Sha ci u ishimavihin i Yehova i cier iyolMan icivir na i hemban,+Shighe u una mough una er tar ua tenger a cier iyol la.
20 Sha iyange la, ior vea kura mbaaôndo vev mba gbilinigh mba sha azurufa man zanaria,Mba ve er sha u vea guren ve inya la,Vea za haa ve kera sha ajiir a ujuhyev man anema a lun la,+
21 Sha u vea nyôr ken ijô i ken avandeMan ken ikwe i ken avande,Sha ci u ishimavihin i Yehova i cier iyolMan icivir na i hemban,Shighe u una mough una er tar ua tenger a cier iyol la.
22 Nea soo ner i kpe ne iyol yô, de nen u suur sha orumace u kaka,U iôôn i nan i lu ken ahenga a nan la.
De we nan sha ada ga.
