Yesaia 56:1-12
56 Ka kwagh u Yehova a ôr je ne, ér:
“Ôron ijir sha mimi+ shi eren kwagh u perapera,Sha ci u ica ia gba ga tsô myom wam una va,Shi a pase perapera wam.+
2 I saan or u nan eren kwagh ne la iyolMan wan u or u a ker ave sha mi gbang la,Un u a kuran tindi u Iyange i Memen, a vihin i ga+Shi a hiden a uwegh nagh ijime sha er una er nyityôkwagh i ifer ga la.
3 Shiror u nan va kohol Yehova iyol i nan la+ nana de kaan ér,‘Yehova una pavem a ior nav kpee je’ ga.
Shi or u nana fatyô u maren ônov ga,* nana de kaan ér, ‘Nenge! M ngu kon u uman’ ga.”
4 Gadia ka kwagh u Yehova a kaa a ior mba vea fatyô u maren ônov ga,* ve mba ve kuran tindi wam u Iyange i Memen, ve tsuan kwagh u m soo shi ve dondon ikyuryan yam vough vough la je ne, ér:
5 “Me na mba ve lu ken ya wam man ken ugir av la ityôgh man iti,Kwagh u a hembe ônov mba nomso man ônov mba kasev yô.
Me na ve iti i tsôron,Iti i ia bee ga yô.
6 Hide ushirmbaiorov mba ve va kohol Yehova ayol a ve sha u vea er un tom,Man sha u iti i Yehova i doo ve ishima+Man sha u vea lu mbatomov nav,Ve mba ve kuran tindi u Iyange i MemenShi ve dondon ikyuryan yam vough vough la cii,
7 Me va a ve sha icighanwo wam,+Nahan me na a saan ve iyol ken iyou yam i msen.
Me lumun iniav vev mbi nanden cii man iniav vev mbigen sha atse a am.
Gadia a yila iyou yam ér iyou i msen sha ci u ior cii.”+
8 Yehova Ter u Hemban Cii, un u a lu kohol ior mba ken Iserael mba i sambe ve la,+ kaa ér:
“Dugh ior mba i vande kohol kera la sha yô, shi me kohol ior mbagen hen a na.”+
9 Ne annyamev mba ken toho cii, va ya nen kwagh,Kua ne annyamev mba ken ikyô cii.+
10 Mbakuran nav ka mbaapirashe,+ mô ve môm nan ver ishima ga.+
Ve cii mba aniwaav mba kondon ikyer, mba fetyô u gbehen ga.+
Mba ôôn fegh fegh shi ve yav inya; ka i doo ve u yaven.
11 Mba aniwaav mba yan kwagh kpishi;Mayange kwaghyan kom ve ga.
Ka mbakuran mba ve lu a mkav ga yô.+
Hanma ve nan yem gbenda u nan;Hanma ve nan ngu keren mtsera u nan sha anyighe, kaan ér:
12 “Va a wain, m ma,De se ma msôrom i kuma se.+
Iyange i kper la ia lu er i nyian nahan, ia hemba doon cii!”
