Yesaia 52:1-15
52 Nder! Nder! Lu taveraa,*+ we Shion!+
Hua ikyondo you i doon ashe,+ we Yerusalem, icighan gar!
Gadia mayange un u i tsenge un ga man un u a lu wang ga la, vea kera nyôr ken a we ga.+
2 We Yerusalem, nduur ihyundu kera, mough sha tema sha ikyagh ki icivirigh.
Sagh ikyangenev sha mon wou kera, we wankwase u Shion u u lu uikyangen la.+
3 Gadia ka kwagh u Yehova a kaa je ne, ér:
“Yange i tee u sha ma kwagh ga,+Shi a paa u sha inyar kpaa ga.”+
4 Gadia ka kwagh u Yehova Ter u Hemban Cii a kaa je ne, ér:
“Sha hiihii la, ior av sen shin Igipiti za lu ushirmbaiorov her;+Shi Mbaashiria kighir ve a ican a ityôkyaa shio.”
5 “Ka nyi me er sha ikyaa nee?” kape Yehova a kaa la.
“Gadia i nenge ior ityôkyaa ga.
Mba ve hemen ve la ka ve shi geren amo a mhembe,”+ kape Yehova a kaa la,“Shi hanma iyange yô, ka ve lahan iti yam gbem.+
6 Sha ityôkyaa la yô, ior av vea fa iti yam;+Sha ityôkyaa la yô, sha iyange la vea fa er i lu Mo m lu lamen yô.
Nenge, ka mo!”
7 Angahar a or u a lu van a loho u dedoo la doo u kenger sha iwo tsô,+Ka or u yôôn bem,+Or u a lu yôôn loho u dedoo u kwagh u hemban doon,Or u a lu yôôn myom,Or u a lu kaan a Shion ér: “Aôndo wou hingir Tor!” la.+
8 Ungwa! Mbakuran ou ger amo.
Ve ger amo a iemberegh gungur môm,Gadia vea nenge wang* er Yehova a hidi a kohol Shion imôngo yô.
9 I saan ne iyol, ger nen amo sha iember gungur môm, ne alôgh a Yerusalem,+Gadia Yehova sur ior nav ishima;+ a paa Yerusalem.+
10 Yehova tese icighanwe na ken igbar sha ishigh ki akuraior cii;+Akighir a tar cii aa nenge akaa a Aôndo wase a er u van a myom* la.+
11 Undu nen ijiir la, undu nen ijiir la, due nen ker kera,+ de benden nen ma kwagh u hôngorough ave ga!+
Due nen hen atô na kera,+ lu nen wang,Ne mba ne lu tôôn ikyav mbi Yehova la.+
12 Gadia ne due sha mcie ga,Shin ne yevese kpaa ga,Sha ci u Yehova una hemen a ven,+Shi Aôndo u Iserael una lu kuran ne van ken ijime.+
13 Nenge! Ortom wam+ una er kwagh sha kwaghfan.
A ver un sha ian i vesen,A kende a na sha, a kende a na sha tsung je.+
14 Er yange ior kpishi kenger un kpiligh ve iyol nahan—Gadia i vihi mluashe na hemba u hanma orgen ciiShi i vihi mdoom nam hemba ma orumace—
15 Kape kwagh na una kpiligh akuraior kpishi iyol je la.+
Utor vea cir ijô ve* sha ishigh nagh,+Sha ci u vea nenge a kwagh u i vande ôron ve ga yôShi vea hen sha kwagh u ve vande ungwan ga yô.+
