Yesaia 65:1-25
65 “M de mer mba ve pin kwagh wam ga la ve kerem;M de mer mba ve kerem ga la ve zua a mo.+
M kaa a ikyurior i i lu yilan sha iti yam ga yô, mer, ‘Mo m ngun, mo m ngun!’+
2 M samber ave a am iyange jimin cii hen ior mba taver ityough,+Hen ior mba ve zenden sha gbenda u doon ga,+Ve dondon mbamhen vev yô;+
3 Hen ior mba ka ve tile sha ishigh yagh ve vihin mo ishima hanma shighe,+Ve naan iniav ken ishule+ shi ve nanden iniav mnyim ma duen sha akam la.
4 Ka ve tema hen iwar,+Shi ve tsa hen ajiir a ken myer,*Ve yaan inyam-igyo,+Man iue i i er sha akaa a human dang* yô, shin atsua man agbande a ve.+
5 Ka ve kaa ér, ‘Lu kwagh wou; de ve ikyua a mo ga,Sha ci u m hemba ngun wang a we.’*
Mban ka mnyim ma ken ahenga a am, ma usu u u lu hian iyange jimin cii yô.
6 Nenge! I nger kwagh sha ishigh yagh;Me tile girgir ga,Kpa me kimbi ve injar ve,+Me kimbi ve injar ve vindi vindi*
7 Sha ci u asorabo a ve man asorabo a uter vev kpaa,”+ kape Yehova a kaa la.
“Gadia ve nande iniav, ve er mnyim due sha iwoShi ve vihim iti sha agungu,+Nahan me hii kimbin ve injar ve vindi vindi.”*
8 Ka kwagh u Yehova a kaa je ne, ér:
“Er ka i zua a wain u he ken ijuku i atam a wain,Ve, or nan kaa ér, ‘De vihin ku ga, sha ci u ankwagh u injaa ngu* ker’ nahan,Ka kwagh u me er sha ci u mbatomov av je la;Me tim ve cica ga.+
9 Me due a wan* ken Yakob,Shi me due a un u una ya dyako u iwo yam la ken Yuda;+Mba m tsough ve la vea ya dyako u i,Shi mbatomov av vea tema her.+
10 Sharon+ una hingir ijiir i iyôngo yan toho,Pev* u Akor+ di una hingir ijiir i ibua memen,Sha ci u ior av mba ve keren mo la.
11 Kpa ne mba môm ken mba ve undu Yehova,+Ve mba ve hungur a icighanwo wam,+Ve veren tebul sha ci u aôndo u Ikyôr Doon,Man mba ka ve haa wain u i nongo un shin ukôôpu i iv sha ci u aôndo u ve ne jighjigh ér a fa kwagh u una er hanma or la.
12 Nahan me ver ne sha ci u sanker,+Maa ne cii ne gure inya sha u i sôngo ne,+Sha ci u m yila ne, kpa ne lumun ga,M lam, kpa ne kegh ato ga;+Ne za hemen u eren kwaghbo sha ishigh yagh,Shi ne tsua u eren kwagh u a doom ga yô.”+
13 Sha nahan yô, ka kwagh u Yehova, Ter u Hemban Cii a kaa je ne, ér:
“Nenge! Mbatomov av vea ya kwagh, kpa ne yô, ne lu ijen.+
Nenge! Mbatomov av vea ma kwagh,+ kpa ne yô, imura ia kôr ne.
Nenge! Mbatomov av vea ember,+ kpa ne yô, ne ya kunya.+
14 Nenge! Mbatomov av vea ger amo sha iember sha ci u ishima doo ve ker,Kpa ne yô, ne vaa genger genger sha ci u ishima vihi ne ker,Shi ne gber kwelegh sha ci u ishima nyian ne.
15 Ne kera luun ga yô, ior mba m tsough la vea gema wan ifyan a iti yen,Shi Yehova, Ter u Hemban Cii una wua hanma wen,Kpa mbatomov nav yô, una yila ve sha iti igen;+
16 Nahan hanma or u nan keren iveren sha ci u nan shin tar cii yô,Aôndo u mimi* una ver nan doo doo,Shi hanma or u nan bumun shin tar cii yô,Nana bum ken iti i Aôndo u mimi.*+
Gadia a hungur a atsan a* tsuaa la;A yer ve sha ishigh yagh.+
17 Gadia nenge! M ngu gban usha mba hev man tar u he;+Nahan a umbur akaa a tse la ga,Shi aa va or ken ishima kpaa ga.+
18 Nahan lu nen yar yar shi i saan ne iyol gbem sha won ken kwagh u m lu gban la.
Gadia nenge! M ngu gban Yerusalem mer a lu ityôkyaa i msaanyolShi mer, ior nav ve lu ityôkyaa i lun yar yar.+
19 Shi me ember ken Yerusalem shi a lum iyol yar yar hen atô u ior av;+A kera ungwa imo i mlia shin mliam ma ican i yan ken a na ga.”+
20 “Wanikyundan u hen ijiir la nana kera tsa ayange kpuaa ga,Shi orbeenyol nana tsa a yina sha ayange a nan ga.
Gadia hanma or u nana kpe sha anyom deri yô, a nenge nan ér nan ngu wanye u cuku tsô,Shi a wa orisholibo ifyan, aluer nan ngu anyom deri môm je kpaa.*
21 Vea maa uya shi vea lu ker.+
Vea lôô ikyon i wain shi vea ya atam a i.+
22 Vea maa uya ér orgen nana kar a lu ker ga.
Vea lôô ikyon i wain ér mbagenev ve kar ve ya ga.
Gadia ayange a ior av aa ngee er ayange a kon nahan.+
Ior av mba m tsough la, vea ya kwagh u ve zough a mi ken tom u ve er la zan zan je.
23 Vea er tom* a saa gbilin ga,*+Shi vea mar mbayev sha u ve ya ican kpaa ga,Sha ci u ve mba ônov mba* ken tsombor u ior mba Yehova a ver ve doo doo la,+Kua ônov vev a ve imôngo.+
24 Vea lu a yila ga je tsô, me lumun;Vea lu a ôr kwagh ga je tsô, me ungwa.
25 Gbaseela man waniyôngo vea ya kwagh imôngo,Begha una ya toho er bua nahan,+Shi kwaghyan u iyô a lu vuulevu.
Vea vihi kwagh môm ga, shi vea tim ma kwagh sha icighanwo wam cii kpaa ga,”+ kape Yehova a kaa la.
Ngeren mba shin kpe
^ Shin a fatyô u kaan ér, “ayou a kuran.”
^ Shin “sha akaa a lun wang ga.”
^ Shin a fatyô u kaan ér, “Sha ci u me tese u er m lu wang yô.”
^ Zwa Heberu, “shin ikyum ve.”
^ Zwa Heberu, “shin ikyum ve.”
^ Zwa Heberu, “iveren ngi.”
^ Zwa Heberu, “vor.”
^ Shin “Pev u Lun Gburumaa.”
^ Shin “Aôndo u jighjigh.” Zwa Heberu, “Amen.”
^ Shin “Aôndo u jighjigh.” Zwa Heberu, “Amen.”
^ Shin “mbamzeyol mba.”
^ Shin a fatyô u kaan ér, “Shi or u nan yen anyom deri yô, a nenge nan ér i wa nan ifyan.”
^ Shin “Vea er tom kpoghuloo.”
^ Shin “a saa aveve ga.”
^ Zwa Heberu, “vor u.”
