Kwagh u Se Fatyô u Henen ken Mkaanem ma Aôndo Yô

KUHWA

Bibilo ngi a loho u Aôndo shin mkaanem nam sha ci wase nyian. I̱ tese se kwagh u se er ve se za ikyura ken uma, kua er se er ve Aôndo una lumun se yô. Shi i̱ na mlumun sha mbampin mban:

1 Ka an nan lu Aôndo?
2 U hen kwagh u Aôndo nena?
3 Ka an nan nger Bibilo?
4 Kwagh u Bibilo i ôr la zua sha kwagh u sainsi?
5 Ka nyi i lu loho u Bibilo?
6 Bibilo tsengaôron ér nyi sha kwagh u Mesiya?
7 Bibilo tsengaôron ér nyi sha kwagh u ayange a ase nee?
8 Ka Aôndo a ne ve uumace ve lu yan ican yee?
9 Er nan ve uumace ve lu yan icana?
10 Ka nyi Bibilo i ôr ér ia va er ken hemene?
11 Ka nyi ka i er shighe u or kpe laa?
12 Se tsa se nenge a ior asev mba ve kpe la jee?
13 Ka nyi Bibilo i ôr sha kwagh u tomo?
14 U nenge sha akaa a ou nena?
15 U er nan ve a saan we iyolo?
16 U er nan ve ishima ia de u nyian we?
17 Bibilo ia wase tsombor wou nena?
18 U kporom hen Aôndo nena?
19 Ka nyi i ôr ken ityakeda i Bibilo?
20 U ôr Bibilo nan ve u hemba zuan a iwasena?

ER U ZUA A AVUR A BIBILO YÔ

Bibilo ngi a ityakeda 66. I pav i ker avegher ahar: ka Ruamabera u ken Zwa Heberu man Zwa Aram (“Ikyuryan i Tse”) man Ruamabera u Mbakristu u ken Zwa Grika (“Ikyuryan i He”) je la. Hanma takeda u Bibilo yô, i pav mtom ker kua avur. Hanma ijiir i i nger ivur Bibilo yô, namba u hiihii la ka ityough ki takeda u Bibilo, namba u dondon la di ka ivur shin avur. Ikyav i tesen yô, aluer i nger ér, Genese 1:1 yô, ka takeda u Genese ityough 1, ivur i sha 1 je la.

ICIGHAN BIBILO I TAR U HE