Er inyom i 4026 C.S.Y. kar kera la

“Iyô” gba ahon sha ian i Aôndo a lu a mi i hemen kua gbenda u a hemen la cii. Yehova tôndo zwa ér “wan” shin “vor” la ua va cagh iyô ityough, ka Satan je la. (Genese 3:1-5, 15) Nahan cii kpa, Yehova de ér uumace ve hemen ayol a ve sha ikyev i iyô shighe a kar ve.

Inyom i 1943 C.S.Y.

Yehova kaa a Aberaham ér “wan” u yange un tôndo zwa ér una va tim Satan la, a lu wan u Aberaham.—Genese 22:18.

Er inyom i 1070 C.S.Y. kar kera la

Yehova kaa a Tor Davidi, shi va ôr a Solomon kpaa ér, “wan” u i tende zwa a mi la una due ken tsombor ve.—2 Samuel 7:12, 16; 1 Utor 9:3-5; Yesaia 9:6, 7.

Inyom i 29 S.Y.

Yehova pase wang ér ka Yesu a lu “wan” u i tende zwa ér una tema sha ikyônough ki torough ki Davidi la ye.—Mbagalatia 3:16; Luka 1:31-33; 3:21, 22.

 Inyom i 33 S.Y.

Iyô, ka Satan je la, cagh “wan” u i tende zwa ér una va la ikishinguhar sha anshighe kpuaa sha u wuan Yesu. Yehova nder Yesu yem a na sha, shi lumun nagh ku Yesu va na sha uma na u vough la, nahan hingir u a fatyô u den ônov mba Adam asorabo a ve shi nan ve uma u tsôron kpaa.—Genese 3:15; Aerenakaa 2:32-36; 1 Mbakorinte 15:21, 22.

Er inyom i 1914 S.Y. la nahan

Yesu gbihi iyô, ka Satan je la, shin tar; una lu shimi sha anshighe kpuaa.—Mpase 12:7-9, 12.

Ken Hemen

Yesu una wuhe Satan anyom 1,000, maa una mase caghen un ityough sha injakwagh, ka u timin un kera je la. Awashima u Yehova lu a mi ve gba tar kua uumace la maa una kure sha mi; a tsegha iti na, shi hanma or a nenge er gbenda na u hemen la u hembe doon yô.—Mpase 20:1-3, 10; 21:3, 4.