Yesaia 63:1-19
63 Ka an nan mough hen Edom+ nan lu van,Nan mough hen Bosera+ a akondo a mondon* nan lu vana?
Ka an nan lu van a ikyondo i doon ashe,Nan lu ndyaren van sha agee a nan cii nee?
“Ka Mo u m lu ôron kwagh sha perapera,Mo u m lu a tahav kpishi u yiman la.”
2 Er nan ikyondo you i lu nyiana?
Shi er nan akondo a ou a lu er a or u nan lu shoghor wain shin ihyungwa nahana?+
3 “M shoghor wain shin ihyungwa* tswen.
Or môm ken ior mbara lu vea mo ga.
M lu shoghor ve sha ishimavihin yam,Shi m lu ndyaren ve angahar sha iyugh yam.+
Awambe a ve tsenda sha akondo a am,Nahan akondo a am cii hôngor.
4 Gadia iyange i iyevoron ngim ken ishima,+Shi inyom i ior av mba i paa ve la va.
5 M kenger, kpa or môm lu u wasen ga;Kpiligh mo iyol er or môm lumun u wasen ga yô.
Nahan uwegh agh vam a myom,*+Shi iyugh yam wasem.
6 M ndyar ior angahar sha ishimavihin yam,M er ve ve hunde sha iyugh yam,+Shi m haa awambe a ve hen inya.”
7 Me ter ityom i Yehova i a er sha dooshima kpishi la,Ityom i Yehova i i kom iwuese la,Sha ci u akaa a Yehova a er sha ci wase la cii,+Akaa a doon kpishi a a er sha ci u ya u Iserael la,Gadia zungu mhôônom shi ngu a dooshima kpishi.
8 A kaa ér: “Mimi yô, mba ior av, ônov mba vea hembam ato ga yô,”+Nahan a hingir oryiman ve.+
9 Hen shighe u ve lu yan ican la cii, un kpa lu yan ican.+
Nahan orôron-loho na* yima ve.+
Er a lu a dooshima shi a zungu mhôônom yô, a paa ve,+Nahan sha ayange a tsuaa la cii, a kende a ve sha, a kura ve a yem a mi.+
10 Kpa ve hemba ato,+ ve vihi icighan jijingi na ishima.+
Maa a hingir orhyom ve,+Nahan a nôngo ityav a ve.+
11 Shi ve umbur ayange a tsuaa,Ayange a Mose ortom na la, ér:
“Un u yange due a ven shin zegemnger kera+ vea mbakuranilev nav la, ngu hana?+
Un u a we icighan jijingi Na ken a na la, ngu hana?+
12 Un u er uwegh Nagh ku icivirigh za vea uwegh ku iyanegh ku Mose la, ngu hana?+
Un u pav mngerem sha ishigh vegh,+Sha u una er iti sha ci na gbem sha won la, ngu hana?+
13 Un u er ve ve zende ve kar shin mngerem ma taver,*Nahan ve zende a kwagh u nan ve gbeev mbu nôngon shio,Er nyinya u ken toho nahan la, ngu hana?*
14 Jijingi u Yehova er ve ve mem,+Vough er ilev ka mbia sen shin pev u lun gburumaa ve mbi mem nahan.”
Kape u hemen ior ou,Sha er u er iti i icivirigh* sha ci wou je la.+
15 Gema ashe ape u lu sha,Hen ijiir you i taven i i lu icighan shi i engem la,* kenger shin inya.
Gbashima wou man agee a ou mba hana?
Dooshima wou u a ze shimi+ man mhôônom ou ma zungwen la mba hana?+
I yange ve u nyôron a mo.
16 Gadia u ngu Ter wase;+Er alaghga Aberaham una fa se ga,Shi Iserael kpa, una kav se gaNahan kpa, we Yehova u ngu Ter wase.
Iti you ér Orpaan wase u sha ayange a tsuaa.+
17 We Yehova, er nan u de* se zende wue wue se undu igbenda youwe?
Er nan u de asema a ase a cighir, nahan se de u cian we?+
Hide sha ci u mbatomov ou,Uipyaven mba dyako wou.+
18 Uicighanmbaiorov ou ya dyako u tar la sha shighe kpuaa.
Mbahyomov asev ndyar icighanjiir wou angahar.+
19 Se hingir er ior mba i lu je u lu a hemen ve ga yô,Er ior mba i lu je i lu a yila ve sha iti you ga nahan, ica i gba hegen gande.
Ngeren mba shin kpe
^ Shin a fatyô u kaan ér, “nyian bong.”
^ Ka ihyungwa i shoghor wain i lun er ikyagh ki haan ilev kwaghyan je la.
^ Shin “mhembe.”
^ Shin “ortyom u sha ishigh nagh.”
^ Shin “mngerem ma zan.”
^ Shin “u ken taaikyôngo nahan la ngu hana?”
^ Shin “iti i doon.”
^ Shin “i doo ashe.”
^ Shin “u ne.”
