Yesaia 30:1-33
30 “Kwagh a tser ônov mba taver ityough,”+ kape Yehova a kaa ne,“Ve mba ka ve kure mbaawashima mba ve lu mba av ga,+Ve mba ka ve ya ikyur,* kpa i lu sha jijingi wam ga,Sha u vea seer isholibo sha isholibo la.
2 Ka ve sen ve za ken Igipiti+ a u pinen mo kwagh sha mi shio,*+Sha u vea yer ken Farou a kura ve*Shi vea yer ken mure u Igipiti yô!
3 Kpa mkor u Farou una hingir ne ityôkyaa i yan kunya,Shi mure u Igipiti u ne yeren ker la una va ne a ihyeen.+
4 Gadia mbahemenev nav mba ken Soan,+Shi mbaôron-loho nav nyôr Haneshi.
5 A na ve cii vea ya kunyaSha ikyev i ior mba vea fatyô u van ve a mtsera ga,Mba vea na ve iwasen ga, mtsera kpaa ga,A lu kunya man ihyeen tseegh yô.”+
6 Ka kwagh u i ôr sha annyamev mba tan kume mba ken imbusutariyan je ne:
Ken tar u ican i yan man mtaver,U begha, begha u tan kume,Man u igbinde kua iyôusu i purugh* la,Vea tôô inyaregh vev sha ajime a ujakiShi vea tôô ikyav vev sha agundu a urakumi.
Kpa akaa ne aa lu ior mbara a iwasen ga.
7 Gadia iwasen i Igipiti ka gbilinkwagh dang je.+
Nahan m yila ngun mer: “Rahabi,+ un u a tem jikii la.”
8 “Hegen yô, za za nger kwagh ne sha kpande sha ishigh vev,Shi nger un ken takeda,+Sha er kwagh ne una lu shiada u tsôronSha ci u iyange i ken hemen yô.+
9 Gadia mba ior mba hemban ato;+ mba ônov mba eren aie,+Mba ônov mba ve kegh iyol u ungwan tindi* u Yehova ga yô.+
10 Ka ve kaa a ior mba nengen akaa a ken hemen ér, ‘De nengen nen ga,’
Shi ve kaa a ior mba nengen mbampase ér, ‘De ôron nen se mbampase mba mimi mba ne nenge la ga.+
Ôr nen se akaa aa a doo se u ungwan yô;* nenge nen akaa a ken hemen a mimi ga sha ci wase.+
11 Undu nen gbenda la; kar nen sha gbenda la kera.
De u veren nen Un u a lu Icighan u Iserael la sha ishigh yasegh.’”+
12 Nahan ka kwagh u Un u a lu Icighan u Iserael la a kaa je ne, ér:
“Er ne vende kwaghôron ne,+Shi ne suur sha anyighe man aie,Ne suur sha akaa ne yô,+
13 Isholibo ne ia lu hen a ven er kpekpe u hemben,Man er kpekpe u taven u a mor a lu nôngon u gban nahan.
Una yôhôr a gba kwa môm kpoo.
14 Una hembe er ityegh ki zegenan ki ormaantyegh nahan,Una hembe vindi vindi je yô, bamber môm una shi ken avur a na,U a dugh usu ken atseShin a kese mngerem a mi shin ityungu* ga.”
15 Gadia ka kwagh u Yehova, Ter u Hemban Cii, Un u a lu Icighan u Iserael la a kaa je ne, ér:
“Aluer ne hide hen a mo ne mem yô, a yima ne;Aluer ne mba ving shi ne suur sha a mo yô, ne zua a agee.”+
Kpa ne lumun u eren nahan ga.+
16 Ne gema ne kaa ner: “Ei, se yevese sha anyinya se yem!”
Nahan, ne yevese ne yem di je.
Shi ne kaa ner: “Se henda anyinya a yevese fele fele!”+
Nahan kape mba ve lu zendan ne la kpa, vea yevese fele fele je la.+
17 Or môm nana anger iorov dubu môm vea gbidye akarkase iyol;+Iorov utaan vea anger ne, ne yeveseZan zan kwagh u ne shi a mi la, una lu er ityôgh ki sha ityough ki uwoogh nahan,Man er tuta u sha igyungu nahan.+
18 Kpa Yehova ngu wan ishima keghen ér una tese ne erdoo,+Shi una mough sha, una zungwe ne mhôônom.+
Sha ci u Yehova ka Aôndo u ôron ijir sha mimi.+
Mba ve lu veren ashe a na cii a saan ve iyol.+
19 Shighe u ior vea lu ken Shion, ken Yerusalem la,+ mayange u vaa ga.+ Aluer u vaa u yila un wer a wase u yô, una zungwe u mhôônom kpee a bunde ga; una ungwan je una er kwagh sha mi.+
20 Er Yehova una na ne ican ne ya man mtaver ne ma nahan kpa,+ Ortesen wen u Hemban la una kera yer iyol na ga, nahan ne nenge a Ortesen wen u Hemban+ la sha ashe a en.
21 Shi ato a en aa ungwa imo ken ijime yen ia kaa ér, “Ka gbenda je ne.+ Za nen sha u,” aluer gba u ne za ken iyan shin aluer gba u ne za ken imese kpaa.+
22 Shi ne hôngor a ieev yenev mbi gban a gba mbi i cir mbi azurufa la, kua ieev yenev mbi sha iyô* mbi i cir mbi zanaria la.+ Ne ta mbi kera er ikyondo i kwase a dugh won awambe a hee sha mi nahan, maa ne kaa a mbi ner, “Kwagh wen bee!”*+
23 Shi una na ura sha ci u ivor yen i ne lôô shin inya la,+ nahan kwaghyan u inya ia na la una ngee shi una doo kpaa.*+ Sha iyange la, ilev yenev mbia ya toho hen ijiir i gbanger.+
24 Shi ibua man ujaki mba kahan inya vea ya toho u i nongo akaayan a dedoo sha mi, u i peer sha shebul man sha majagela yô.
25 Shi sha hanma uwo u taven man sha hanma igyungu i taven yô, iwagh man ukungwambamngerev vea lu+ sha iyange i timin kwagh, shighe u ayou a taven aa gba la.
26 Shi iwanger i uwer u u dugh jimin la, ia hingir er iwanger i iyange nahan; gema iwanger i iyange i te la di ia seer, a taver a kuma kwa taankaruhar,+ er iwanger i ayange ataankarahar nahan, sha iyange i Yehova una kange ishombon i ior nav+ shi una bee zegeivav u ve gbe sha iju i a te ve la.+
27 Nenge! Iti i Yehova ngi van ken ica,Ngi van a ishima i i vihi un tsung la man a abeen a yuhwan.
Ityumbujôôgh na iv a ishimavihin,Shi nombor na ngu er usu u hian kwagh nahan.+
28 Jijingi* na ngu er uwagh u u sar avenge zan zan u nyer sha mon nahan,Sha u una tsaa akuraior shin lalia u mtim;*Shi ior vea lu a lijam ken azegher a ve+ u una tsume a ve yô.
29 Kpa icam yen ia lu er icam i i we tugh nahanShighe u ne lu wan iyol* u eren iniongo,+Shi ishima yen ia ember erOr u nan lu zenden a imar,*Zan sha uwo u Yehova, hen vande u Iserael la nahan.+
30 Yehova una er a ungwa imo na i ageegh+Shi una tese uwegh nagh+ er ku lu senen sha ishima i i vihi un tsung la,+Aa nomborusu u hian kwagh,+Man zegeura+ man idyuran kua awombo.+
31 Gadia mciem ma a gba Ashiria iyol sha ci u imo i Yehova;+Una gbidye un sha gbo.+
32 Shi hanma kwa u Yehova una jingir gbough nagh ku mtsahaUna gbidye Ashiria yô,A kuhwa angengav man mbaadiguve,+Er una kende uwegh nagh sha Ashiria ken utya la.+
33 Gadia i vande sôron Tofeti* na;+Shi i sôr un sha ci u tor.+
Ijiir i a er sha ci u ikyon i i kohol la za shimi,Usu man ikyon mba her kpishi.
Iôôn i Yehova i i lu er sulfur u a lu haan oo la,Ia nande un.
Ngeren mba shin kpe
^ Zwa Heberu, “haa zarkwagh,” u tesen ér ve gba zwa môm.
^ Zwa Heberu, “hen ijiir i taver i Farou.”
^ Shin “a u pinen zwa wam kwagh sha mi shio.”
^ Shin “iyô i lun a megh i lun fele fele.”
^ Shin “kwaghwan.”
^ Zwa Heberu, “Ôr se akaa i kôngor se ungwa.”
^ Shin a fatyô u kaan ér, “ijôr.”
^ Shin “ieev mbi keren a ker.”
^ Shin a fatyô u kaan ér, “maa ne yila mbi ner ihyôghonov.”
^ Zwa Heberu, “una wa ahôm shi una lu a mkurem tsembelee.”
^ Zwa Heberu, “lalia u gbilinkwagh.”
^ Shin “iôôn.”
^ Shin “wanger ayol a en.”
^ Shin “or u nan lu zenden sha imo i imar.”
^ “Tofeti” u i ter kwagh na heen ne, ka ijiir i nanden kwagh i sha injakwagh; i tile sha ityough ki mtim.
