Yesaia 34:1-17
34 Kpera ikyua ungwa nen, ne akuraior,Shi ver nen ishima, ne ior.
Tar man akaa a a iv shin u la cii a kegh ato,Inya man akaa a a mende sha i la cii.
2 Gadia ishima vihi Yehova a akuraior cii,+Shi ishima vihi un a ikyumutya ve cii.+
Una tim ve;Una na ve ér i sôngo.+
3 A haa ior vev mba i sôngo la kera,Ihyuma i akom a ve ia kôndo sha;+Iwo ia sough sha ci u awambe a ve.*+
4 Ikyum i sha cii ia hôô kera,Shi a hure usha er ihyurenruamabera nahan.
Ikyum ve cii ia use kera,Er kwa u uman ka u osough sha kon u wain u gba nahan,Man er ityamegh ki tur ki zulugh ka ki osough sha kon ki gba nahan.
5 “Gadia ka sha usha, sanker wam una heen a awambe ye.+
Una sen a ijirôron sha Edom,+Sha ior mba m tsough mer me tim ve la.
6 Yehova ngu a sanker; una heen a awambe.
Ahôm aa kange sha mi,+Una heen a awambe a agumaiyôngo man a anivoov,Ahôm a sha ahi a agumaiyôngo aa kange sha mi.
Gadia Yehova ngu a nagh ken Bosera,Una sôngo kwagh kpishi ken tar u Edom.+
7 Ibua-toho ia sen a za a ve imôngo,Agumabua kpaa vea mbaageev.
Tar ve ua iv a awambe,Shi ahôm aa ndôhôr inya ve.”
8 Gadia Yehova ngu a iyange i oron iyev,+Ka inyom i nan mtsaha sha ci u kwaghbo u i er Shion la.+
9 A gema iwagh na* ia hingir er tsur u il nahan,Vuulevu na ua hingir er sulfur nahan,Shi inya na ia hingir er tsur u il u u lu hian nahan.
10 A pir un tugh shin atetan ga;Mnyim nam ma a za hemen u kôndon sha gbem.
Una lu ice sha ikyov ikyov;Or môm nana kera kar hen a na ga zan zan gbem sha won.+
11 Una hingir ijiir i akumedu man adendem,Ivungu i lihen ato man uôô-ôô kpaa vea tema ken a na.
Aôndo una kar tar ne sha kor u karen kwaghMan konmnger u tesen ér ua lu gbilin shi ua gba kwagh ga.
12 A yila or môm ken ashagbaaior a na ér nana va ya tor ga,Shi kwagh u mbahemenev nav cii una bee.
13 Mbaasaa vea mende ken ayou a taven a na a lun a ugir,Shi mbaasaa man toho u kuman vea mende ken ayou a na a taver.
Una hingir ijiir i tsan i aniwaav mba ken toho,+Man ijiir i ukonkofi.
14 Annyamev mba ken desereti vea za kohol annyamev mba gbehen,Shi ivo-toho* ia yila ikyar u i.
Een, ka her inyon i utu* ia tema a zua a ijiir i memen ye.
15 Ka her iyô i lun fele fele ia wa iya ia ta aji ye,Shi ia tsev ônov, ia kohol ve ken mure u i̱.
Een, ka her icoghor ia kohol imôngo, hanma nom-tsoghor a ngô-tsoghor ye.
16 Ker ken takeda u Yehova shi ôr i due sha genger genger wer:
Mô ve môm nana saa ga;Mô ve môm nana ban a ikyar ga,Sha ci u ka zwa u Yehova u ôr kwagh ne ye,Shi ka jijingi na a kohol ve imôngo ye.
17 Ka Un a er ishor sha ci ve ye,Shi ka uwegh nagh ku kar ijiir ve ye.*
Vea lu her gbem sha won;Vea tema her sha ikyov ikyov.
