Yesaia 47:1-15
47 We iniunkwase i Babilon,Hungwa va tema shin vuulevu.+
We wankwase u Mbakaldi,Tema hen inya ape ikyônough ki torough ki lu ga yô,+Sha ci u mayange ior vea kera yila u ér u ngu kwagh u een-a-ee a mi man u eren a mi gede-gede ga.
2 Tôô nase wua mwem.
Bugh ikyondo sha ishi kera.
Er ikyondo you, shi kôvor riga wou.
Per uifi.
3 A bugh dyelegh wou.
A tese ihyeen you ken igbar.
Me or iyev,+ shi or môm nana tilem sha gbenda ga.*
4 “Un u a paan se la—Iti na ér Yehova u akum a sha—
Un ngu Icighan u Iserael.”+
5 Tema her ving, nyôr ken ime,We wankwase u Mbakaldi;+Vea kera yila u ér Torkwase u Ityartor ga.+
6 Ishima vihim a ior av pev.+
M hôngor a dyako wam,+Shi m na ve sha ikyev you.+
Kpa u zungwe ve mhôônom ga.+
Mbabeenyol je kpa u tôô ve igbur i yuhwan.+
7 U kaa wer: “Me lu Torkwase hanma shighe, gbem sha won.”+
Yange u hen sha akaa ne ga;U hen er kwagh ne una za kure ga.
8 Hegen yô, ungwa kwagh ne, we u taryan u doo u ishima,+U tem bem bem, we u ka u kaa ken ishima you wer:
“Ka mo je ne, dugh mo kera yô, orgen nan ngu ga,+Me hingir kwasecôghol ga,Mayange ônov a saam ga” ne.+
9 Kpa akaa a ahar ne aa va sha a we kpoo ken iyange i môm:+
Ônov a saa u, shi u hingir kwasecôghol.
Akaa ne cii aa va sha a we,+Sha ci u akombo a u ser kpoghuloo man ior kpishi mba u tambe ve sha tahav ou la cii.+
10 U suur sha ifer you.
U kaa wer: “Or môm nan nenge a mo ga.”
Ka kwaghfan man mfe wou ve tsum a we ye,Nahan u kaa ken ishima you wer: “Ka mo je ne, dugh mo kera yô, orgen nan ngu ga.”
11 Kpa kwaghtseren una va sha a we,Ahir a ou cii aa yange un ga.*
Ican ia va sha a we; u fatyô u bunden i ga.
Mtim u u lu a vande nengen a mi ga yô, una va sha a we kpoo.+
12 Yô, za ase hemen u tamben ior shi sôron akombo kpoghuloo,+Akaa a u ye ican u er, hii iyev la.
Alaghga u fatyô u zuan a iwasen;Alaghga u na a kpiligh ior iyol.
13 U vôr a ior mba wan we kwagh mba ve lu kpishi la.
Ve mough sha hegen ve yima u ase;Ve mba ve civir usha,* ve kenger asan,+Mba ve tesen mfe sha ashighe a iwer i heSha kwagh u akaa a aa va sha a we la.
14 Nenge! Mba er ayia nahan.
Usu ua hia ve kera.
Vea fatyô u yiman ayol a ve sha ikyev i tahav mbu nomborusu ga.
Mban ka akaausu a ôson ga,Shi ngun ka usu u teman her kpaa ga.
15 Nahan kape mbaerenahir a ou,Mba u ye ican vea ve hii iyev la, vea hingir we la.
Vea zende nzughul nzughul, hanma ve nana yem vegher u nan.*
Or môm nana lu u yiman we ga.+
