Yesaia 24:1-23
24 Nenge! Yehova ngu geman tar la ua hingir gbilin shi ngu geman u ua hingir ice.+
A gema u a cir inya*+ shi a sambe ior mba ken u.+
2 A lu kwagh shon môm a er a hanma or ye:
Ior kua pristi,Wanye man orvesen u nan,Wankwase man kwase u wankwase shon a eren nan tom la,Or u yamen kwagh man or u teen kwagh,Or u nan injô man or u ngohol injô,Or u nan inyaregh man or u ngohol inyaregh.+
3 Kwagh môm una lu ken tar la ga;A ya u ishar vindi vindi,+Sha ci u ka kwagh u Yehova a kaa je la.
4 Tar la zungwe;*+ ngu saan ishe.
Tar la use; ngu saan ishe.
Ior mba duen ati mba ken tar la use.
5 Ior mba ken tar la hôngor u,+Sha ci u mba kuran atindi ga,+Ve gema tindi,+Shi ve vihi ikyuryan i tsôron.*+
6 Ka nahan ve ifyan i vihi tar la,+Shi i ne ior mba ve lu ken u la ibo ye.
Ka nahan ve ior mba ken tar la ve pande iyenge,I lu ior kpuaa tseegh ve shi ker ye.+
7 Wain u he zungwe,* kon u wain use,+Shi ior mba i saan ve iyol ken ishima la cii mba vaan.+
8 Msaanyol u angengav bee;Ayôôso a mbayantar bee;Imo i msaanyol i adiguve kpa bee.+
9 Ka ve ma wain a icam shio,Shi msôrom ka ma yua mba ve me ma la.
10 I hembe geri u i undu un la;+I wuhe hanma ya, sha er or môm nana fatyô u nyôron ga yô.
11 Ve vaa sha ugodobi genger genger ér i na ve wain.
Msaanyol cii bee;Iember i ken tar la bee.+
12 Gar la shi alôgh tseegh;I hembe hundagar avur avur, i ta tihi.+
13 Gadia kape kwagh u ior una lu ken tar la je ne:
Er shighe u i gbidi kon u olev nahan,+Man er twar u yaren sha shighe u i zer atam a wain i bee kera nahan.+
14 Vea genger amo a ve,Vea ger sha iember.
Vea yôô icivir i Yehova hen zegemnger.*+
15 Ka nahan ve vea wuese Yehova hen haregh u iwanger* ye;+Vea wuese iti i Yehova Aôndo u Iserael hen uicile mba zegemnger.+
16 Se ungwa atsam hen akighir a tar ér:
“I na Un u A Lu u Perapera La icivir!”*+
Kpa m kaa mer: “M ngu saan ishe, m ngu saan ishe!
Kwagh tserem ve! Mbawanatseregh er kwagh sha atseregh;Ka sha atseregh mbawanatseregh ve er kwagh sha atseregh ye.”+
17 Mciem man ahungwa man uhôn mba keghen we, we u u lu ken tar ne la.+
18 Hanma or u nan lu yevese ihyuran i cieryol cii nana gba shin ihyungwa,Shi hanma or u nan lu duen shin ihyungwa cii a kôr nan sha kwaghhônon.+
Gadia a bugh ihindamnger i sha,Shi amagh a tar aa tenger.
19 Tar la pav ker;I tenger a tar la;Tar la tenger sha agee.+
20 Tar la ngu eren ze-ze-ze er or u hundenmsôrom nahan,Ka u daase u yem ken hemen, u hide ken ijime er ityumbe i ahumbe a lu daase a i nahan.
Isholibo i u shire sha u,+Ua gba, ua kera mough sha ga.
21 Sha iyange la, Yehova una na ishima na sha ikyum i ajiir a taven a shaMan sha utor mba taregh mba shin tar.
22 A kohol ve imôngoEr ka i kohol mbakwarev shin ihyungwa nahan,Shi a wuhe ve shin ihyungwa i zan kweng;Ayange a karen kpishi yô, a na ishima sha kwagh ve.
23 Kunya a kôr uwer u u dugh jimin la,Shi iyange i i te gyaang la kpa ia hee,+Sha ci u Yehova u akum a sha tema Tor+ sha Uwo u Shion+ man ken Yerusalem,Ngu a icivir sha ishigh ki mbatamen mba ior nav.+
