Yesaia 64:1-12
64 Luun er yange wea ande usha wea sen shin inya,Iwo ia tenger sha ci wou,
2 Er usu ka u hia ayegheraikyon,Man er usu ka u na mngerem ma pughur la nahan tseegh kpa,Mbahyomov ou ma ve fe iti you,Shi akuraior ma a gbidi akarkase sha ishigh you!
3 Shighe u yange u er akaa a kpilighyol a se ver ishima ser cuku kpa u er ga la,+U sen shin inya, nahan iwo tenger sha ishigh you.+
4 Hii sha shighe u tsuaa la je, or môm ungwa shin kegh atoShin ma ishe nenge a Aôndo,Un u a eren akaa sha ci u mba ve ze hemen u veren ashe a na la ga,*+ saa we.
5 U va kohol mba ve eren kwagh u vough saan saan la,+Ve mba ve umbur we shi ve dondon igbenda you la.
Nenge! Er se lu eren asorabo yô, ishima vihi u;+Se er nahan shighe gôgônan.
Nahan doo u hegen a yima see?
6 Se cii se hingir er or u nan lu wang ga nahan,Shi aeren a ase a perapera cii nga er ikyondo i kwase u nan dugh won nahan.+
Se cii se uma kera er kwa nahan,Shi asorabo a ase aa kura se a yem a mi kera er ahumbe nahan.
7 Or môm nan ngu yilan sha iti you ga,Or môm nan nôngo ér nana zua a iwasen hen a we ga,Gadia u yer se ishigh you,+Man sha ci u isholibo yase yô,* u na se vôr.*
8 Kpa hegen yô, we Yehova, u ngu Ter wase.+
Se mba inyatyuu, we u gema u ngu Ormaantyegh;*+Se cii se mba tom u ave a ou.
9 Yehova, de vihin ishima karen ikyaa inya ga,+Shi de umbur isholibo yase gbem sha won ga.
Wea lumun yô, kenger sha a vese, sha ci u se cii se mba ior ou.
10 Agar a ou a a lu icighan la hingir taaikyôngo.
Shion hingir taaikyôngo,Yerusalem saa ishe.+
11 I nande icighanyou yase*i engem,*Ape uter asev wuese we la sha usu,+Shi akaa a a gbe se kwagh la cii, saa ishe.
12 Yehova, u za hemen u kôron iyol you tsaha heree?
U za hemen u lun ving, den wer i na se ican kpishi nahanaa?+
