Yesaia 25:1-12
25 We Yehova, u ngu Aôndo wam.
Me kende a we sha, me wuese iti you,Sha ci u u er akaa a kpilighyol,+Akaa a u wa ishima u eren sha ashighe a tsuaa,+Sha jighjigh+ man sha mimi la.
2 Gadia u gema gar hingir tihi u awen,Geri u lun a gir u taver hingir alôgh.
Iyou i taven i shiror kera ka gar ga;Mayange a kera hide a maa un ga.
3 Ka nahan ve ior mba ageev vea wuese we ye;Gar u akuraior a wan tswam una cia u.+
4 Gadia u hingir ijiir i taver sha ci u mba ve gbe kwagh ga la,Ijiir i taver sha ci u mbaatsanev mba ve lu yan ican la,+Ijiir i yeren uraahumbe,Ijiir i yeren oo.+
Shighe u kume u mbawantswam u lu er uraahumbe u u va te sha kpekpe nahan,
5 Man er oo u ken tar u u om tseghe tseghe nahan,U bee a ayôôso a mbavannya.
Er mure u ibyeenegh ka a yisa oo nahan,Kape a kera ungwa icam i mbawantswam ga je la.
6 Sha uwo ne,+ Yehova u akum a sha una yôr ior ciiZege-iwer u nyohon tsung,+Zege-iwer u wain u dedoo,A lu iwer i nyohon tsung i lun a mshiam,A lu wain u dedoo u i kase yô.
7 Una kar a* kwaghcirin u a lu cirin ior cii la sha uwo ne keraKua ikyondo* i i kange akuraior cii la.
8 Una mena* ku kera gbem sha won,+Shi Yehova, Ter u Hemban Cii una ese mliam sha mshim ma iorov cii kera.+
Una kar a ihyeen i i ve a mi sha ior nav sha tar cii la kera,Gadia ka Yehova iyol na a ôr kwagh ne ye.
9 Sha iyange la, vea kaa ér:
“Nenge! Ka Aôndo wase je ne!+
Se ver ashe sha a na,+Nahan una yima se.+
Ka Yehova je ne!
Se ver ashe sha a na.
De se ember nen shi i saan se iyol sha myom u a lu van se a mi la.”+
10 Gadia Yehova una ver uwegh sha uwo ne,+Shi a ndyar Moabi angahar hen ijiir na,+Er ka i ndyar toho u nan ilev hen inya u hingir tihi u kwagh u doon inya nahan.
11 Una dugh ave a gbidye sha Moabi,Er orôôn-uwe ka nan dughun ave nan gbidyen sha mnger u ôôn-uwe nahan,Shi una hide a ihyagh na ijime,+Sha ave a a lu dughun sha inja sha inja la.
12 Una hembe gar u i we un gir u taver la,Kua ukpekpe ou mba taven mba kuran we la;Una kema un una hembe a haa inya, shin vuulevu.
