Yesaia 44:1-28
44 “Hegen yô, kegh ato, we ortom wam Yakob,Man we Iserael, u m tsough la.+
2 Ka kwagh u Yehova,Orgban wou, Un u a er u,+A wase u hii ken uya* la je, a kaa je ne, ér:
‘Ortom wam Yakob, de cie ga,+Man we, Yeshurun,*+ u m tsough la.
3 Gadia me na un u imura i ker un la mngerem*+Shi me na mngerem ma shin iwagh, ma a kua sha inya i ombor.
Me na ônov ou* jijingi wam+Shi me na mbayev ou iveren.
4 Shi vea mende a due sha, er mba hen atô u toho u ndor nahan,+Er ikyon* i shin uwagh nahan.
5 Or nana kaa ér: “M ngu kwagh u Yehova.”+
Orgen di nana yila iyol i nan sha iti i Yakob,Shi orgen nana nger sha uwegh ku nan ér: “Kwagh u Yehova.”
Nahan nana ya iti i Iserael.’
6 Ka kwagh u Yehova,Tor u Iserael+ man Orpaan na,+ Yehova u akum a sha a kaa je ne, ér:
‘M ngu u hiihii man u masetyô.+
Dugh mo kera yô, Aôndo ugen ngu ga.+
7 Ka an nan lu er mo?+
Nana lam gbar gbar, nana ôr kwagh shon, nana tesem me fa!+
Hii sha shighe u m ver ior mba sha ayange a tsuaa la je,Ve ôr akaa a aa va er neMan a aa va er ken hemen la cii.
8 De cie nen ga,Shi mciem ma de gbe ne iyol ga.+
M tsengaôron hanma wen kwagh ne shi m pase un gaa?
Ne mba Mbashiada av.+
Dugh mo kera yô, Aôndo ugen shi ngu kpa?
Ei, Vande ugen ngu ga;+ ua lu ma m fe.’”
9 Mba ve gban ieev la cii mba kwagh ga,Shi akaa a ve a a doo ve ishima la, aa lu ve a iwasen ga.+
Hide mbashiada vev yô, mba* nengen a kwagh ga shi ve fa kwagh môm kpaa ga,+Nahan a hee mba ve er ve la.+
10 Ka an nana er ma aôndo shin nana ker eev mbu sha iyô*
Mbu ka mbu lu a iwasen ga laa?+
11 Nenge! A hee mba a lun imôngo a ve la cii!+
Mbafantomaveegh ka uumace di tsô.
De ve cii ve kohol imôngo ve tile hen ijiir ve.
Vea gbidye akarkase iyol shi a hee ve imôngo.
12 Orvareniwa mgbagh iyôgh sha akaausu a ikyagh ki nan ki tomough.
Nan var ki a uhama,Nan ngu caghen ki a uwegh ku nan ku ageegh.+
Maa ijen kôr nan, agee a nan bee;Nan ma mngerem ga, nahan nan vôr.
13 Orgban kon naregh kor u karen kwagh sha kon, nan kpera hwange sha mi a côôku i nyian.
Nan kember u a kwagh u kember kwagh, nan kpera kwagh sha u a iyôgh ki karen kwagh.
Nan gba u doo kenger,Bee orumace,+Nan za ver ken iyou.*+
14 Orgen yô, tom u nan ka u gberen ikyon i sedar.
Ka nan tsua ma kon, kon u ouki,Nahan nan de u vese a ikyon igen ken ikyô, u taver iyol.+
Nan lôô kon u lôree,* maa ura na u vese.
15 Nahan u hingir kwagh u uumace keer usu a mi.
Nan tôô vegher ugen nan keer usu nan ôso;Vegher ugen nan wa usu nan kaa beredi.
Kpa vegher ugen yô, nan er anaôndo a mi nan ngu civir.
Shi nan gba eev a mi nan gure sha ishigh ki mbu.+
16 Nan nande vegher môm ken usu;A vegher shon môm, nan mgbagh inyam nan ya, kuma nan.
Shi nan keer usu nan ôso nan kaa ér:
“Ngwa! Saghem iyol er m lu kenger sha usu ne.”
17 Kpa nan gema vegher u a shi la, nan er an-aôndo a mi, nan gba eev mbu nan a mi.
Nan gure mbu inya, nan civir mbu.
Nan er msen hen mbu nan kaa ér:
“Yimam, sha ci u u ngu aôndo wam.”+
18 Ve fa kwagh môm ga, mba a mkav kpaa ga,+Sha ci u i cir ve ashe, nahan vea fatyô u nengen ga,Shi ishima ve ban a kwaghfan.
19 Luun er mô ve nan hen sha kwagh ne ken ishima i nanShin nan ngu a mfe shin kwaghfan yô, ma nan kaa ér:
“M nande vegher môm ken usu,Shi ka sha akaausu a u m kaa beredi shi m mgbagh inyam m ye ye.
Nahan doo u me gema vegher u a shi la me er kwagh u ndôhôrshima a mini?+
Doo u me civir tiônkonoo?”*
20 Ka nan ya mtuhwem.
Ishima i nan i i we atseregh la, tsume a nan.
Nana fatyô u yimam iyol i nan ga, shin nan pine ér:
“Ka gbilinkwagh m lu a mi ken uwegh agh ku iyanegh ga zee?” kpaa ga.
21 “Umbur akaa ne, we Yakob, man we Iserael,Sha ci u u ngu ortom wam.
M er u, shi u ngu ortom wam.+
Me hungur a we ga, we Iserael.+
22 Me cir asorabo a ou, er i cir a ken ibyeenegh nahan,+Me cir asorabo a ou, er i cir a ken ibyeenegh ki wan civirii nahan.
Hide hen a mo, gadia me paa u.+
23 Ger nen amo sha iember, ne usha,Sha ci u Yehova er kwagh ne!
Ger nen amo sha mhembe, ne ajiir a zan a shin tar!
Ger nen amo sha iember, ne iwo,+Man we ikyô, kua ikyon you cii!
Gadia Yehova paa Yakob,Shi a tese icivir na sha Iserael.”+
24 Ka kwagh u Yehova, Orpaan wou,+Un u er u shighe u u lu ken uya la je, a kaa je ne, ér:
“M ngu Yehova, ka mo m er hanma kwagh ye.
Ka mo iyol yam m naregh usha+Shi m samber tar ye.+
Ka an yange nan lu vea mo?
25 M ngu tesen mer akav a mbaôronagbilinakaa la ka a mimi ga,Shi ka mo ka m na mbakpehenshor ve eren kwagh er ka abumeaior ye;+Ka Mo ka m tsume a mbafankwaghShi m gema mfe ve a hingir ibumekwagh ye;+
26 Ka Un u ka a er kwaghôron u ortom na a kure sha mi la,Shi a er akaa a mbaôron-loho nav ve tsengaôron a kure sha mi vindi vindi la;+Un u a lu ôron kwagh u Yerusalem ér, ‘Ior vea tema ken a na,’+Man agar a Yuda ér, ‘A hide a maa a her,+Shi alôgh a na kpa me hide me maa her’ la;+
27 Un u a lu kaan a mngerem ma zan shimi ér, ‘Uma kera,Shi me uma uifi ou cii kera’ la;+
28 Un u a lu ôron kwagh u Shirushi+ ér, ‘Ngu orkuranilev wam,Shi una er kwagh u a lu sha ishima yam la cii, kwagh môm a shi ga’;+Un u a lu ôron kwagh u Yerusalem ér, ‘A hide a maa un,’Man tempel ér, ‘A hide a wa imaagh you’+ la.”
Ngeren mba shin kpe
^ Shin “shighe u i mar u.”
^ Inja na yô ér, “Un u A Lu u Perapera la,” ka ititom i nan Iserael icivir.
^ Shin “me na tar u imura i ker u la mngerem.”
^ Zwa Heberu, “vor wou.”
^ Shin “uwagh u ikyon.” Ishember i ken zwa Heberu ne ngi ôron kwagh u kon u ashighe kpishi ka u lu sha akpe a ifi yô. Ka i yila kon ne ken zwa Buter ér poplar.
^ Ka ieev je la.
^ Shin “eev mbu keren a ker.”
^ Shin “iyouakombo.”
^ Ka i yila kon ne ken zwa Buter ér laurel. Kon ne ka u lu shough shough.
^ Shin “vegherkon u umanaa?”
