Yesaia 33:1-24
33 Kwagh a tser u, we or u timin kwagh u i lu a tim u ga ne;+We or u bumen ior, u i lu a bume u ga ne!
U timin kwagh u been yô, we kpa a tim u.+
Shi u bumen ior u been yô, we kpa a bume u.
2 Yehova, zungwe se mhôônom.+
Se mba veren ashe sha a we.
Lu uwegh asegh*+ hanma pepe,Een, lu myom wase hen shighe u ican.+
3 Ior ka vea ungwa ayôôso yô, ve yevese.
Ka wea mough sha yô, akuraior a sambe.+
4 Er ikyomon i yan kwagh kpishi ka i kohol imôngo nahan, kape a kohol ishar you je la;Ior vea yevese a za cir sha mi er ikpila i ikyomon nahan.
5 A kende a Yehova sha,Sha ci u a tema sha ajiir a taven sha.
Una iv Shion a ijirôron i mimi man perapera.
6 Ka un a ne ve u tem i kpe u iyol ye;Una na u myom u vesen,+ kua kwaghfan man mfe man mcie u cian Yehova+—Ngun ka kwagh u injaa na.
7 Nenge! Anomaior a ve vaa genger genger sha godobi;Mbaôron-loho mba bem vaa tsung.
8 I undu igbenda i vesen;Ior mba karen sha igbenda ga.
A* vihi ikyuryan la;A venda agar la;Orumace môm gba un kwagh ga.+
9 Tar la zungwe* shi use kera.
Lebanon ya kunya;+ a hôô.
Sharon hingir er desereti nahan,Shi Bashan man Karmel ndoor ikya ve kera.+
10 Yehova kaa ér, “Me mough sha hegen,Me kende a iyol yam sha hegen;+Hegen me tese tahav av.
11 U wa iyav mbu toho u uman, u mar atô a ayia.
Mhen wou u bo la, una hia u kera er usu nahan.+
12 Shi ior vea hingir er iwen i laim i i nande nahan.
A nande ve sha usu er mbaasaa mba i gber i haa inya nahan.+
13 Ne mba ne lu ica la, ungwa nen kwagh u me er yô!
Shi ne mba ne lu ikyua la, lumun nen ner m ngu a agee!
14 Mbaasorabo mba ken Shion mba ken mcie;+Mbavendan mcivir u mimi gbidye akarkase iyol:
‘Ka an ken a vese nana fatyô u lun ape usu u hian kwagh u lu?+
Shi ka an ken a vese nana fatyô u lun a iniomborusu i pirin ga?’
15 Ka or u nan zenden sha perapera hanma shighe,+Nan ôron kwagh u mimi,+Shi nan vendan ieren i icughugh, i zuan a mtsera sha anyighe la,U ave a nan a vende ingyatu, a ngohol i ga la,+U ka nan cir ato a nan ér nana ungwa iliam i haan awambe inya ga,Shi ka nan kusu ashe a nan ér nana nenge a kwaghbo ga la
16 —Nana tema sha ajiir a taven;Ijiir i nan i yeren ia lu ken ajiir a taver* a avandegh,A naan nan kwaghyan u nan,Shi mayange mngerem ma a ban nan ga.”+
17 Ashe a en aa nenge a tor ken iengem na;Vea nenge a tar u icaa.
18 U umbur* kwagh u cieryol la ken ishima you, nahan u pine wer:
“Akawe ngu hana?
Or u tan kpandegh ngu hana?+
Or u ôron iyenge i ayou a taven ngu hana?”
19 U kera nenge a ior mba vihin tu ga,Ior mba zwa ve u taver u kaven,Ve mba u fatyô u ungwan ikyeen ve kaven ga la.+
20 Nenge Shion, gar u uiniongo asev!+
Ashe a en aa nenge Yerusalem ér ka ijiir i teman i bem,Man er tenti u a sough un kera ga nahan.+
Mayange a tsua amande a tenti la kera ga,Shi a tôndo kor na môm kpaa ga.
21 Kpa ka her Yehova, Un u a Lu a Icivir la,Una lu se er ijiir i uifi, i i lu a iwagh i gbanger,Ape utso mba nôngon ityav vea za gaShi utso mba vesen kpa vea kar ga la ye.
22 Gadia Yehova ka Orjir wase,+Yehova ka Orwan se atindi,+Yehova ka Tor wase;+Ka un una yima se ye.+
23 Ikyor you ia sen dôugh dôugh;Ia fatyô u kôron ityôgh shin samber ikyondo i tsoo kpaa ga.
Hen shighe la, a kar ishar i i ngee kpishi la;Mbaawanev je kpa vea yem a ishar ia ngee.+
24 Shi or môm u nan lu ken tar* la nana kaa ér: “Kwagh nyoon mo” ga.+
Ior mba ve tem ken tar la cii, a de ve a kwaghbo ve.+
