Yesaia 61:1-11
61 Jijingi u Yehova, Ter u Hemban Cii ngu sha a mo,+Sha ci u Yehova tsegham ér m yôô loho u dedoo hen mbaasemaleghlegh.+
A tindim ér m kange avav a mba asema a vihi ve la,M yôô i pase mba ve lu uikyangen la,Shi m yôô mer a bugh mba i wuhu ve ken purusu la ashe,+
2 M yôô inyom i erdoo u YehovaMan iyange i iyevoron i Aôndo wase,+Shi m sur mba ve lu zungwen la cii asema,+
3 Shi m nenge sha mba ve lu zungwen Shion la,Shi m na ve ikyondo i kangen sha ityo, i de kera lu mtuhwem ga,Man mkurem ma msaanyol, i de kera lu ijungwen ga,Man ikyondo i iwuese, i de kera lu iuren ga.
Nahan a yila ve ér uzegembaikyonov mba perapera,Ka Yehova a lôô i sha u una zua a icivir ye.*+
4 Vea hide a maa alôgh a ngise la;Vea maa ajiir a ngise a lu ice la,+Shi vea hide a maa agar a i hembe kera la,+Ka ajiir a a lu ice sha ikyov ikyov je la.+
5 “Mbavannya vea mough a kura ilev yenegh,Shi ushirmbaiorov+ vea hingir mbasulev enev man mbasôron ne ikyon i wain.+
6 Kpa ne yô, a yila ne ér upristi mba Yehova;+Vea yila ne ér mbatomov mba Aôndo wase.
Ne ya akaa a akuraior,+Shi ne ta ihyagh sha kwagh u icivir ve.*
7 Ne zua a kwar kwa har, a kera lu kunya ga,Shi vea ger amo sha iember sha kwar u i ne ve la, a kera lu ihyeen ga.
Een, vea zua a kwar kwa har ken tar ve.+
A saan ve iyol gbem sha won.+
8 Gadia mo Yehova, ijirôron i mimi doom ishima;+M kôr gbenda-numun man ieren i perapera ga ihyom.+
Me na ve injar ve sha mimi,Shi me ya ikyur i tsôron a ve.+
9 A fa ônov vev* hen atô u akuraior+Shi a fa ônov vev hen atô u ior.
Mba vea nenge a ve cii vea fa veÉr, mba ônov mba* Yehova a ver ve doo doo yô.”+
10 Me ember ken Yehova tsung.
Uma wam cii una ember ken Aôndo wam.+
Gadia a zerem akondo a myom;+A huam ikyondo* i perapera,Vough er orkwasehe ka nan kange tsar sha ityo er u pristi la nahan,+Man er kwasehe ka nan wuha iyol a akaa a hweegh a nan nahan.
11 Gadia er tar ka u na ishamakaa i mendeShi sule u na kwagh u i lee ker la a mende nahan,Kape Yehova, Ter u Hemban CiiUna na perapera+ man iwuese vea mende+ sha ishigh ki akuraior cii je la.
