Yesaia 32:1-20
32 Nenge! Tor+ una hemen sha perapera,+Shi mbahemenev vea hemen sha mimi.
2 Shi hanma or nana hingir er ijiir i yeren ahumbe,Man er ijiir i yeren uraahumbe nahan,Kua er ukungwambamngerev mba ve lu ken tar u mngerem ma lu ga,+Man er mure u zegevande u ken tar u u om tseghe tseghe nahan.
3 Nahan a kera cir ashe a mba ve lu nengen la ga,Shi ato a mba ve lu ungwan la kpa aa ver ishima.
4 Ishima i mba eren kwagh gagher ia hen sha kwagh zulee,Shi nombor u eren ikyeen ua lam wang man luenee.+
5 A kera yila or u banen a kwaghfan ér ornankwagh wuee ga,Shi orlanenkwagh kpa, a kera yila nan ér orcivirigh ga;
6 Gadia or u lun a kwaghfan ga nana ôr ibumekwagh,Shi ishima i nan ia hen sha akaabo a nana er yô,+Sha u tuur ior ken ijime ér ve undu Yehova* shi ôron akaa a aiegh sha a na,Sha u a na or u ijen i ker nan nana de ye kwagh gaShi a yange or u imura i ker nan u man kwagh yô.
7 Ayom a orlanenkwagh ka a bo;+Ka nan tuur ior ken ijime ér ve er akaa a kunyaSha u ôron akaa a aiegh, van a mtim sha or u i lu nan nan ican la,+Aluer ka kwagh u mimi icanor nan lu ôron je kpaa.
8 Kpa or u nan kwagh wuee yô, nan ngu a ishima i nan kwagh wuee,Shi ka nan za hemen u keren igbenda i nan kwagh wuee.
9 “Ne kasev mba kwagh a ze ne iyol ga ne, mough nen sha, ungwa nen imo yam!
Ne ônkasev mba ne we kwagh ikyo ga ne,+ ver nen ishima sha kwagh u me ôr ne!
10 Inyom i môm ia kar a lu a za ica ga tsô, ne mba kwagh a ze ne iyol ga ne, ne gbidye akarkase iyol,Sha ci u shighe u sunda u atam a wain ua bee la, a lu a kohol ityamegh i môm kpaa ga.+
11 Gbidye nen akarkase iyol, ne kasev mba kwagh a ze ne iyol ga ne!
Gbidye nen akarkase iyol, ne mba ne we kwagh ikyo ga ne!
Er nen akondo, lu nen idyelegh,Zer nen akondo a zungwen* shin iwenge.+
12 Gbidye nen ave sha vanger, gber nen kweleghSha ci u ishule i dedoo man wain u umen atam.
13 Gadia mbaasaa man mbaageva vea cir hen inya i ior av;Vea cir ayou a iember cii,Een, vea cir gar u iember.+
14 Gadia i undu iyou i taven i i we i gir u taver la;I undu gar u lun a ayôôso la.+
Ofel+ man iyoukura hingir ice gbem sha won,Hingir ijiir i ujaki mba ken toho numben her,Man ijiir i ilev yan toho,+
15 Zan zan jijingi u Aôndo una sen sha a vese,+Nahan taaikyôngo una hingir suleikyon,Shi a gema nengen suleikyon er ka ikyô nahan.+
16 Nahan ijirôron i mimi ia tema ken taaikyôngo la,Shi perapera una lu ken suleikyon la.+
17 Nahan kwagh u una due ken perapera u mimi yô, a lu bem,+Shi perapera u mimi una ume ityamegh ki bem u tsôron man mkpeyol.+
18 Ior av vea lu hen ijiir i bem una lu gbem yô,Man hen ajiir a zayol a lu ga yô, kua hen ajiir a memen a bem.+
19 Kpa awombo aa vihi ikyô la,Shi a hembe gar la vindi vindi a haa inya.
20 Saan ne mba ka ne lôô ivor hen akpe a mnger la cii iyol,Ne mba ka ne de nombua man jaki ve yem ken toho la.”+
