Yesaia 11:1-16
11 Gbaa+ una due sha ikpughur u Yese,+Shi mende+ u ua due shin amise a na la, ua ume atam.
2 Nahan jijingi u Yehova una sen sha a na,+A lu jijingi u kwaghfan+ man u mkav,A lu jijingi u wan kwagh man u ageegh,+A lu jijingi u mfe man u cian Yehova.
3 A doo un u cian Yehova.+
Una ôr ijir sha kwagh u a nenge sha ashe la tseegh tsô ga,Shin una kôôm or sha kwagh u ato a na a ongo la tseegh tsô kpaa ga.+
4 Una ôr mba ve gbe kwagh ga la ijir sha mimi,*Shi una kôôm ior sha perapera, sha ci u mbaasemaleghlegh mba shin tar.
Una tsaha tar a aga u ken zwa na+Shi una wua aferaior sha iôôn i ken zwa na.*+
5 Perapera una lu kwange u hen iwenge na,Shi ieren i mimi ia lu kwange u hen ikyooso na.+
6 Gbaseela una lu vea waniyôngo shighe a wa karen,+Shi wanivo una yav vea anyam imôngo,Wanbua man begha* kua zendenya u kehen dindim dindim cii vea lu imôngo;*+Wanye nana hemen ve.
7 Bua man biya* vea ya kwagh imôngo,Shi ônov vev vea yav imôngo.
Begha una ya toho er nombua nahan.+
8 Wanye u man atumba nana numbe hen zwa u abuku a lu ker yô,Shi wanye u den atumba nana za uwegh ken zwa u iyô i lun a megh i lu ker yô.
9 Vea er kwagh u vihinmôm ga,+Shin vea vihi ma kwagh sha icighanwo wam cii kpaa ga,+Sha ci u tar ua iv a mfe u Yehova kpee je,Er mngerem ma lu kpishi shin zegemnger nahan.+
10 Sha iyange la, mise u Yese+ ua mough a tile sha, ua lu ikyav* sha ci u ior cii.+
A lu hen a na akuraior aa va ér i tese a kwagh u aa er ye,*+Shi ijiir na i memen ia hingir i icivirigh.
11 Sha iyange la, Yehova shi una dugh uwegh sha kwa har, una hide a ngohol ior nav mba ve shi ken Ashiria+ man ken Igipiti+ man ken Pateroshi+ man ken Kushi+ man ken Elam+ man ken Shinar* man ken Hamati kua sha uicile mba hen zegemnger la.+
12 Una kende a ikyav* sha, sha ci u akuraior, shi una kohol ior mba ken Iserael mba i sambe ve la,+ una kohol ior mba ken Yuda mba i sambe ve sha azongo a tar a anyiin la imôngo.+
13 Iyuhwe i Eferaim ia bee,+Shi mba ve ker Yuda ihyom la kpa, a kar a ve kera.
Eferaim una gba Yuda iyuhwe ga,Shi Yuda kpa una kôr Eferaim ihyom ga.+
14 Vea sen sha agee shin upev mba Mbafiliti, vegher u shin ityôtar la;Vea ya ior mba sha ityoughkitaregh ishar imôngo.
Vea dugh uwegh vea nôngo ityav a Edom+ man Moabi,+Nahan Mbaamon vea hingir sha ikyev ve.+
15 Yehova una pav* gbaa* u zegemnger u Igipiti,+Una jingir uwegh sha Ifi.*+
Una gbidye agbaa a na a ataankarahar la a iôôn na i tseen,*Nahan una na ior vea zende vea per a akôv a ve a shin angahar.
16 Shi gbenda u vesen ua lu+ u duen ken Ashiria sha ci u ior nav mba ve shi la,+Er lu sha ci u Iserael, sha iyange i a due ken tar u Igipiti la nahan.
Ngeren mba shin kpe
^ Shin “sha perapera.”
^ Shin “sha jijingi u ken zwa na.”
^ Shin a fatyô u kaan ér, “Shi wanbua man begha vea ya kwagh imôngo.”
^ Shin “gumbegha u menden ingya.”
^ Ka i yila inyamkume ne ken zwa Buter ér bear.
^ Shin “Akuraior aa ker un ye.”
^ Shin “tuta.”
^ Ka Babilonia je la.
^ Shin “tuta.”
^ Shin a fatyô u kaan ér, “uma.”
^ Zwa Heberu, “nombor.”
^ Ka Uferati je la.
^ Shin “jijingi.”
