Yesaia 10:1-34
10 Kwagh a tser mba ve we atindi a bo,+Mba ve ngeren atindi a nan ior ican hanma shighe,
2 Sha u yangen icanor u zuan a kwagh u tindi a kaa ér i na nan la,Man sha u i de ôron oribanave u nan lu hen atô u ior av la ijir sha mimi ga,+Nahan ngohol kasevmbacôgholov akaaShi kuran akaa a ônov mba lun a ter ga* la!+
3 Ka nyi u er sha iyange i ijirôron,*+Shighe u mtim una va ken ica laa?+
Ka an u yevese u za hen a nan wer nana wase u we?+
Man ka han u undu inyaregh* you we?
4 Kwagh môm kera shi ga, saa di u teman azôngo hen atô u ior mba i wuhu ve ken purusuShin gban hen atô u ior mba i woo ve la tseegh.
Nahan cii kpa, ishima de u vihin un ga,Kpa a naregh uwegh nagh her sha u nan mtsaha.+
5 “Nenge! Ashiria,+Ka gbough ku tesen ishimavihin yam+Man gbough ku ken uwegh nagh ku tesen ishima i i vihim kpishi la!
6 Me tindi un una za ta ityav sha ikyurior i vendan mcivir u mimi,+Una za ta ityav sha ior mba ve vihim ishima la;Me kaa a na mer a ya ishar kpishi shi a kura akaa kpishi,Shi a ndyar ve angahar er angbiôr a sha ugodobi nahan.+
7 Kpa a lu awashima na la ga,Shi a lu kwagh u una wa ishima u eren la kpaa ga;Gadia ishima na a lu u timin kwagh,Sha u una kar a akuraior kera kpishi, i de lu kpuaa tseegh ga.
8 Gadia ngu kaan ér,‘Ugomna av ka ator cii gaa?+
9 Kalno+ ngu vough er Karkemishi+ nahan gaa?
Hamati+ di ngu er Arpadi+ nahan gaa?
Man Samaria+ yô, ngu er Damaseku+ nahan gaa?
10 Uwegh agh ngohol ityartor i mbaaôndo mba gbilinigh,Mba ieev vev mbi gban a gba mbi hembe mbi Yerusalem man Samaria la!+
11 Nahan mo me kera er a Yerusalem man ieev navVough er m er a Samaria man mbaaôndo nav mba gbilinigh mbara nahan gaa?’+
12 “Yehova una been tom u a lu eren sha Uwo u Shion man ken Yerusalem la cii yô, Una* tsaha tor u Ashiria sha ci u icihi na man ihyagh na, kua gbenda u a kenger sha igbongor la.+
13 Gadia ngu kaan ér,‘Me er kwagh ne sha agee a uwegh aghMan sha kwaghfan wam, sha ci u m ngu a kwaghfan.
Me bee a akighir a ior ve ver la,+Shi me kura akaainjaa a ve me yem a mi,+Shi me hemba mba ve tem her la ityav er orageegh nahan.+
14 Er or u nan lu zan uwegh shin iya-inyon nahan,Uwegh agh kua ngohol akaa a ior;Man er or u nan lu kohol aji a i undu nahan,Me kohol tar cii!
Or môm nana gbidye akper a nan shin nana aver zwa u nan shin nana er imo i annyonov ga.’”
15 Ijembe ia kaa ér i hemba or u nan lu gberen kwagh a i laa?
Ishôm i sôngon ikyon i hemba or u nan lu sôngon ikyon a i laa?
Gbough+ kua fatyô u eren or u nan kende a ku sha la uweghe?
Shin gbough kua fatyô u kenden a or u i er nan sha kon ga la sha?
16 Nahan Ter u mimi, Yehova u akum a sha,Una er ior mba Ashiria mba ve kehe la vea kande,+Ashiria una kera lu a icivir ga, a lu inja er i nande un ken usu vindi vindi nahan.+
17 Iwanger i Iserael+ ia hingir usu,+Shi Icighan na una hingir nomborusu;Ua yegh gang gang, a hia toho na man mbaasaa nav ken iyange i môm.
18 Una kar a icivir i ikyô na man suleikyon na kera vindi vindi;A lu inja er oruange u i lu vôron nan iyol seer a seer nahan.+
19 Ikyon i i mase shin ken ikyô na la,Ia kera ngee ga je yô, wanye nana fatyô u ôron iyenge i í.
20 Sha iyange la, mba ve shi ken IseraelMan mba ve war ken ya u Yakob la,Vea kera suur sha un u a te ityav sha a ve la ga;+Kpa vea suur sha Yehova,Un u a lu Icighan u Iserael la sha mimi.
21 Ka mba ve shi her,Mba ve shi her ken ônov mba Yakob la tseegh vea hide hen Aôndo u ageegh ye.+
22 We Iserael, er ior ouVe lu er waarawa u shin zegemnger nahan kpa,Ka mba ve shi her la tseegh vea hide ye.+
I tsua u van a mtim sha a ve,+Nahan ijirôron i mimi ia uve ve.*+
23 Een, mtim u Yehova u akum a sha, Ter u Hemban Cii a tsough u van a mi la,Una va sha tar la cii.+
24 Nahan ka kwagh u Yehova u akum a sha, Ter u Hemban Cii a kaa je ne, ér: “Ne ior av mba ne lu ken Shion la, de cie nen Ashiria u yange gbidye ne sha aga+ shi kende a gbough sha a ven er Igipiti er nahan la ga.+
25 Gadia ica ia gba ga tsô ishimavihin la ia bee; ishimavihin yam ia lu sha u timin ve.+
26 Yehova u akum a sha una jingir akpa sha a na,+ er shighe u hemba Midian ityav hen vande u Orebi la nahan.+ Shi gbough nagh kua lu sha zegemnger, nahan una kende ku sha, er yange er a Igipiti nahan.+
27 Sha iyange la, ikyav nav mbia kera lu u sha akende ga,+Shi igbur na kpa ia kera lu u sha mon ga,+Shi igbur la ia hembe+ sha ci u mkure.”
28 A va hen Ayati;+A kar ken Migeron;A za ver ikyav nav hen Mikemashi.+
29 A kar hen ihyongo;A za tsa hen Geba;+Rama gbidye ikyarkyase iyol, Gibea+ u Saulu yevese.+
30 We wankwase u Galim, vaa taver taver shi ngor genger genger!
Ver ato, we Laisha!
We Anatoti, u kôr kunya!+
31 Mademena yevese.
Ior mba Gebim ker ijiir i tsan.
32 Una tile ken Nobu sha iyange ne.+
A jingir iju sha uwo u wankwase u Shion,U a lu igyungu i Yerusalem la.
33 Nenge! Yehova u akum a sha, Ter u mimi,Ngu gberen agbaa a ikyon nga gban je kpilighyol;+Mba gberen ikyon i hemban taven la cii,Shi mba môughon i i lu sha geng la.
34 A gber ikyô i wan civirii a ijembe,*Shi Lebanon una gba sha ikyev i orageegh.
