Yesaia 6:1-13
6 Ken inyom i tor Ushia kpe la,+ m nenge Yehova tema sha zegeikyônough ki torough ki taven sha tsung,+ akur a ikyondo na iv tempel cii.
2 Userafim gema tile ape lu la; hanma ve lu a akper ataratar. Hanma ve cir ishigh a akper ahar shi cir angahar a akper ahar, shi hanma ve a purugh a akper ahar.
3 Serafim môm a yila Serafim ugen a kaa ér:
“Icighan, icighan, icighan, ka Yehova u akum a sha.+
Tar cii iv a iengem na.”
4 Er ve lu yilan taver taver la, ikpandehinda tenger, shi iyou la iv a mnyim.+
5 Maa m kaa mer: “Kwagh tserem ve!
M kpe a kpe je,*Gadia m ngu or u ityumbujôôgh yam i lu wang ga yô,Shi m ngu hen atô u ior mba ityumbujôôgh ve i lu wang ga yô;+Sha ci u ashe a am nenge a Tor, Yehova u akum a sha iyol na!”
6 Nahan môm ken userafim mbara purugh va hen a mo; a lu a ikyausu i kpenger kpenger+ i a dugh a ikyambe i dughun usu sha atse a nan nagh yô ken uwe.+
7 A bendem ikyausu la sha zwa a kaa ér:
“Nenge! Kwagh ne bende sha ityumbujôôgh you.
I kar a ibo you kera,Shi i wam isholibo you.”
8 Tsô m ungwa imo i Yehova lu kaan ér: “Ka an me tindi, man ka an nana za sha ci wasa?”+ Nahan m kaa mer: “Mo ne! Tindim!”+
9 Maa a kaa ér, “Za, za kaa a ior mban wer:
‘Ne ungwa kwa kimbir kimbir,Kpa ne kav ga;Ne nenge kwa kimbir kimbir,Kpa ne zua a mfe cuku ga.’+
10 Er ishima i ior mban i cighir,+Shi ato a ve a de kera ongo kwagh ga,+Shi cir ve ashe,Sha er vea fatyô u nengen sha ashe a ve gaShi vea ungwa a ato a ve ga,Sha u ishima ve i de kaven kwagh ga,Shi ve de hidi hen a mo, angev mbu been ve ga yô.”
11 Tsô m pine mer: “Zan zan a kuma shighe nan je, Yehova?” Nahan a kaa a mo ér:
“Zan zan agar aa hingir alôgh, or a kera lu ker ga,Ayou aa kera lu a ior ker ga,Shi tar ne ua hingir alôgh man ice;+
12 Zan zan Yehova una zenda ior kera vea yem ica,+Nahan mlu u tar u a undu u la, una vihi a gande.
13 “Kpa ior vea shi ker kpuaa;* ve je kpa, shi a hide a va nande ve kera, er zegekon man er kon u ouki, ikyon i ka a gber kera ve ikpughur a lu her la nahan; icighanvor* una lu ikpughur u ú.”
