Yesaia 18:1-7
-
Kwagh u i ôr ér una er Etiopia yô (1-7)
18 Kwagh a tser tar u lun a ankaam ma purugh ma uvan ingyurHen haregh u uifi mba Etiopia!+
2 Ka u tindi mbaôron-loho ve kar ken zegemnger,Ve za per mngerem shin utso mba papiru,* ve kaa ér:
“Za nen, ne mba ka ne za fese ne za ôr loho ne,Hen ikyurior i taven shi kôngor iyol,*Hen ior mba i cie ve hanma ijiir,+Hen ikyurior i lun a agee, hemban ityav,*Ikyurior i uifi ve kua a tar ve la.”
3 Ne ior mba ne tem ken tar la, man ne mba ne lu shin tar cii,Kwagh u ne nenge a mi la una lu er ikyav i* i kende a mi sha, sha iwo nahan,Shi ne ungwa imo er ka imo i korough ku i lu tôngon nahan.
4 Gadia ka kwagh u Yehova a kaa je ne, ér:
“Me tema ving me kenger sha ijiir yam i i we i imaagh gbang gbang la,Er mtseenem man iwanger i iyange nahan,Er avure ka a gba shighe u i lu sundan iyiav, i tsee iyol nahan.
5 Gadia cii man sunda,Shighe u kon u wain ua kpar kera, nahan ikparen la una hingir ityamegh ki vian yô,A tôndo agbaa a na a ahô a sôron ikyon a mi,Shi imende na i i kamber sha la kpa, a tôndo a haa kera.
6 Ve cii vea lu her sha ci u annyonov mba yan inyam mba sha iwoMan sha ci u annyamev mba wan tswam mba sha tar.
Annyonov mba yan inyam vea ya ve sha shighe u inyom cii,Shi annyamev mba wan tswam mba sha tar cii vea ya ve sha shighe u sunda.
7 Hen shighe la, a va Yehova u akum a sha a iyua,A lu ikyurior i taven shi kôngor iyol,* ia va a mi ye,A lu ior mba i cie ve hanma ijiir vea va a mi ye,A lu ikyurior i lun a agee, hemban ityav* ia va a mi ye,Ikyurior i uifi ve kua a tar ve la;Vea va a i sha Uwo u Shion,+ ape iti i Yehova u akum a sha i lu la.”
Ngeren mba shin kpe
^ Imendenegh kin ka ki lu er kunakwa nahan.
^ Zwa Heberu, “ikyurior i í due a i, i sôr i iyol yô.”
^ Shin “ikyurior i taver iyol, ndyaren kwagh angahar.”
^ Shin “tuta u.”
^ Zwa Heberu, “ikyurior i í due a i, i sôr i iyol yô.”
^ Shin “ikyurior i taver iyol, ndyaren kwagh angahar.”
