Yesaia 43:1-28
43 Hegen yô, ka kwagh u Yehova,Orgban wou, we Yakob, Un u a er u, we Iserael,+ a kaa je ne, ér:
“De cie ga, gadia m paa u.+
M yila u sha iti you.
We u ngu u wam.
2 Shighe u u kar shin mnger kpa, me lu a we,+Shi shighe u u kar shin uifi kpa, vea uve a we ga.+
Shighe u u kar ken usu kpa, ua hia u ga,Nomborusu kpa ua huum we iyol ga.
3 Gadia m ngu Yehova Aôndo wou,Un u a lu Icighan u Iserael, Oryiman wou la.
M na Igipiti hingir kwagh u paan we a mi,Shi m na Etiopia man Seba sha ityough you.
4 Gadia u hingir kwagh u injaa sha ashe a am,+I na u icivir shi u doom ishima.+
Nahan me na ior sha ityough youShi me na akuraior sha er u lu uma yô.
5 De cie ga, sha ci u m ngu a we.+
Me kura ônov ou* sha ityoughkitaregh kera,Me kohol ne shin ityôtar me yem a ven kera.+
6 Me ôr a imbusutarimese mer, ‘Hide a ve!’+
Shi me ôr a imbusutariyan mer, ‘De yangen ve u hiden ga.
Va a ônov av mba nomso mba ve lu ica la, kua ônov av mba kasev mba ve lu sha akighir a tar la,+
7 Hanma or u i yer nan sha iti yam,+U m gbe nan sha ci u icivir yam,U m er nan cii yô.’+
8 Due a ior mba ve pir ashe, shin er ve lu a ashe nahan kpaa la,Man mba ve kondo ato, shin er ve lu a ato nahan kpaa la.+
9 Akuraior cii a kohol ijiir i môm,Shi ior ve kohol imôngo.+
Ka an ken a ve nana ôr kwagh ne?
Shin vea fatyô u nan se ungwa akaa a hiihii laa?*+
De ve va a mbashiada vev ve va tese ishô ve,Gayô ve ungwa ve kaa ér, ‘Ka mimi!’”+
10 “Ne mba mbashiada av,”+ kape Yehova a kaa la,“Een, wanye wam u m tsough,+Sha er ne fam shi ne nam jighjighShi ne kav er m lu Un shon môm yô.+
Ma Aôndo vande lun a mo ga,Shi ken hemen kpa una lu ga.+
11 Mo—M ngu Yehova;+ dugh mo kera yô, oryiman ugen ngu ga.”+
12 “Lu Mo m yôô, m yima shi m paseShighe u aôndo ugen lu hen atô wen ga la ye.+
Sha nahan yô, ne mba mbashiada av,” kape Yehova a kaa la, “mo m ngu Aôndo.+
13 Shi m ngu Un shon môm hanma shighe cii;+Shi or môm nana fatyô u tsuen mo kwagh ken uwe ga.+
Aluer m er kwagh yô, ka an nana fatyô u yangen unu?”+
14 Ka kwagh u Yehova, Orpaan wou,+ Un u a lu Icighan u Iserael la+ a kaa je ne, ér:
“Me tindi a za ken Babilon a za vihi uishindan mba ihindagar jimin cii sha ci wou,+Shi Mbakaldi vea vaa sha ican shin utso vev.+
15 M ngu Yehova, Icighan wen,+ Orgban u Iserael,+ Tor wen.”+
16 Ka kwagh u Yehova a kaa ne,Un u a dugh gbenda shin zegemngerShi a er gbenda shin mngerem ma gbuusu la,+
17 Un u a urugh ikyekyeutya kua nyinya,+Man ikyumutya imôngo a mbautyaav mba ageev la:
“Vea yav inya, vea kera mough sha ga.+
A pir ve kera er mough u hian nahan.”
18 “De kera umbur akaa a ngise la ga,Shi de zeren henen sha akaa a tse la kpaa ga.
19 Nenge! M ngu eren kwagh u he;+Hegen je kpa a hii u eren.
Ne mba a kav kwagh shon gaa?
Me dugh gbenda ken taaikyôngo+Man uifi ken desereti.+
20 Inyam i ken toho ia nam icivir,Kua aniwaav mba ken toho man ukonkofi,Sha ci u m na mngerem ken taaikyôngo,Man uifi ken desereti+Mer, ior av mba m tsough ve la+ ve ma,
21 Ior mba m gbe ve sha ci wamSha er vea pase iwuese yam la.+
22 Kpa we Yakob, u yilam ga,+Sha ci u u vôr a mo, we Iserael.+
23 U vam a iyôngo sha ci u nagh ku nanden ku jimin gaShin u nam icivir sha iniav you kpaa ga.
M kighir we mer va nam iyua ga,Shin m za u iyol mer va nam ferankinsensi kpaa ga.+
24 U yamem likye i nyohon* sha inyaregh you ga,Shi ahôm a iniav you kumam ga.+
Kpa, u na asorabo a ou hingir mo ikyav,U na aferakaa a ou duem ishima.+
25 Ka mo m lu esen asorabo a ou* kera+ sha ci wam ye,+Nahan me kera umbur asorabo a ou ga.+
26 Umbur mo; se za ken ijir imôngo;Ôr vegher wou sha er u tese wer u ngu a ishô yô.
27 Teru u tamen er isholibo,Shi ior mba ve lamen sha ityough yenegh* la hembam ato.+
28 Nahan me hôngor a mbahemenev mba icighanjiir la,Me na Yakob mer i timShi me de a laha Iserael.+
