Yesaia 23:1-18
-
Kwagh u i ôr ér una er Tiru yô (1-18)
23 Ka kwagh u i ôr sha Tiru je ne, ér:+
Gber kwelegh, ne utso mba Tarshishi!+
Gadia i vihi ihyongo yen kera; or a fatyô u zan her ga.
Ka ken tar u Kitim+ i pase ve kwagh ne ye.
2 Lu nen ving, ne ior mba hen kpemnger.
Mbazendenkasua mba ken Shidon+ mba ve per zegemnger la iv ken a ven.
3 I yem a samuyia* u Shihor* sha mngerem kpishi,+Kua sunda u Nil, u a zuan a inyaregh sha mi la,Sha u van a liba i akuraior.+
4 Kunya u kôr u a iyol you, we Shidon, we u u lu ijiir i taver i zegemnger ne,Sha ci u zegemnger kaa ér:
“M toghor mar ga, nahan m mar wan ga,M yese agumaior shin agumaukase* kpaa ga.”+
5 Er ior yange ve ungwa kwagh u Igipiti nahan,+Kape ishima ia nyian ior shighe u vea ungwa kwagh u Tiru je la.+
6 Per za nen hen Tarshishi!
Gber nen kwelegh, ne ior mba ne lu hen kpemnger la!
7 Ka gar wen u ngise lu yar yar, sha ayange a tsuaa ne gaa?
Yange a zende sha angahar a na a yem ken ityar i icaa a za lu ker.
8 Ka an nan tsough ér kwagh ne a er Tiru,Un u yange cirin ior ader a tor,Un u mbazendenkasua nav lu mbahemenev,Un u i naan mbaerenkpenga nav icivir sha tar cii nee?+
9 Ka Yehova u akum a sha iyol na a tsough kwagh ne ye,Sha u una vihi ihyagh i a lu tan sha ci u mdoom nam cii la yô,Man sha u una hee mba i nan ve icivir sha tar cii la yô.+
10 Samber sha tar la cii er Ifi u Nil nahan, we wankwase u Tarshishi.
Ijiir i môm i veren utso* kera ngi ga.+
11 Aôndo naregh uwegh nagh sha zegemnger;A tenger a ityartor.
Yehova na zwa ér i tim ajiir a taver a Finishia.+
12 A kaa ér: “U kera ember ga,+We iniunkwase i Shidon, we u i lu nan we ican ne.
Mough sha, per yem ken Kitim.+
Ker je kpa u zua a mmem ga.”
13 Nenge! Tar u Mbakaldi.+
Ka Mbakaldi ve er un a hingir ijiir i mbayarenikyôr ken desereti ye,Ka ior i Ashiria ga.+
Ve maa ayou a taven a nôngon ityav;Ve hembe ugir mba ayou a na a taven,+Ve gema un a hingir tihi u alôgh.
14 Gber kwelegh, we utso mba Tarshishi,Sha ci u i vihi ijiir you i taver.+
15 Sha ayange la, a hungur a Tiru anyom 70,+ vough er ayange a uma u tor nahan. Anyom 70 aa been yô, kwagh ne una er Tiru er i ôr ken icam i sha kwagh u agbagakwase nahan, ér:
16 “Tôô adiguve, zende ningir gar, we agbagakwase u i hungur a we ne.
Kuhwa adiguve wou tsembelee;Wa atsam kpishi,Sha er vea umbur we yô.”
17 Anyom 70 aa been yô, Yehova una na ishima sha kwagh u Tiru, nahan a lu kimbin un inyaregh, una lu eren gbaga a ityartor i sha tar cii.
18 Kpa liba na man inyaregh ki a lu kimbin un la, a hingir Yehova icighankwagh. Á koso kwagh môm ga, shin a yem a mi ape gen kpaa ga, sha ci u inyaregh ki a lu kimbin un la, kia lu sha ci u ior mba ve lu sha ishigh ki Yehova la, sha er vea ya kwagh a kuma ve shi vea hua akondo a doon ashe yô.+
