Yesaia 20:1-6
-
Ikyav i tesen kwagh u una va er Igipiti man Etiopia yô (1-6)
20 Ken inyom i Sargon tor u Ashiria tindi Tartan* ken Ashedodi la,+ a nôngo ityav a Ashedodi a ngohol un.+
2 Hen shighe la, Yehova ôr kwagh sha ikyev i Yesaia+ wan u Amoshi, kaa ér: “Za, za sagh ikyondo i zungwen ken iwenge you kera, shi tsua akôv shin angahar a ou kera.” Tsô a er nahan; lu zenden idyelegh* man angahar gbilin.
3 Yehova maa kaa ér: “Er wanye wam Yesaia a zende idyelegh man angahar gbilin anyom atar ér kwagh ne a lu ikyav+ man icintan u tesen kwagh u una va er Igipiti+ man Etiopia nahan,+
4 kape tor u Ashiria una yem a ior i Igipiti+ man ior i Etiopia uikyangen, mbayev man mbaganden je la; vea lu idyelegh man angahar gbilin, atô a ve aa lu ken won, u tesen idyelegh u* Igipiti.
5 Nahan a cier ve iyol shi kunya a kôr ve a Etiopia u a lu ishimaverenkeghen ve la, man a Igipiti u a lu ihyagh ve la.
6 Sha iyange la, ior mba ve lu hen kpemnger la vea kaa ér, ‘Nenge kwagh u a er ishimaverenkeghen yase, un u yange se yevese se za yer ker ser a wase se shi a yima se sha ikyev i tor u Ashiria ne sha wono! Se er nan ve se war hegene?’”
