Yesaia 35:1-10
35 Taaikyôngo man tar u u om tseghe tseghe yô ve ember,+Shi desereti u lun gburumaa una ember shi una mondo er ufaluwa* nahan.+
2 Desereti la una mondo a bunde ga;+Una ember shi una ger sha iember.
A na un icivir i Lebanon,+Man iengem i Karmel+ kua i Sharon.+
Vea nenge a icivir i Yehova, man iengem i Aôndo wase.
3 Taver nen ave a a vôr la,Shi taver nen anu a a lu kunden la.+
4 Kaa ior mba ishima i lu nyian ve la wer:
“Lu nen taveraa. De cie nen ga.
Nenge! Aôndo wen ngu van a iyevoron,Aôndo una va a mtsaha.+
Una va una va yima ne.”+
5 Hen shighe la, ashe a mbaapirashe aa bugh,+Shi ato a mbakondonato kpa aa bugh.+
6 Hen shighe la, oriwan nana tsue er iyar nahan,+Shi nombor u orkondonikyer ua ger sha iember.+
Gadia mngerem ma a due ken taaikyôngo,Shi iwagh ia bugh ken desereti u lun gburumaa.
7 Tar u oo u te u om tseghe tseghe yô, ua hingir ityungumnger i lun a ikyinakya,Shi inya i imura i ker i yô, ia hingir amboramnger.+
Ajiir a ngise aniwaav mba ken toho memen her la,+Toho u lun gese gese man ikyinakya kua papiru* vea lu her.
8 Shi gbenda u vesen ua lu her,+Een, a lu gbenda u i yer ér Icighangbenda la.
Or u nan lu wang ga nana kar sha u ga.+
I ver u sha ci u or u nan zenden sha gbenda la tseegh;Ibumeor nana tsume nana za kar sha u ga.
9 Begha una lu her ga,Shi inyamkyume i wan tswam kpa ia unde sha u ga.
A nenge a i her ga;+Ka ior mba i hidi i yam ve la tseegh vea zende her ye.+
10 Ior mba Yehova a yem ve la vea hide+ vea yem ken Shion a mliam ma iemberegh.+
Msaanyol u been ga una cir ve sha ityo er ka idyer nahan.+
A saan ve iyol shi vea ember,Ijungwen man ishimashirin vea yevese.+
