Yesaia 16:1-14
-
I za hemen u ôron kwagh u una er Moabi yô (1-14)
16 Tindi orhemen u tar la a nomiyôngo;I̱ mough a mi hen Sela i̱ kar ken taaikyôngo,I̱ za nyôr sha uwo u wankwase u Shion.
2 Er annyon u i zende un sha iya na kera nahan,+Kape ônkasev mba Moabi vea lu hen ahongo a Arnon je la.+
3 “Wa ior kwagh, er kwagh u i tsough u eren la.
Er mure wou a gba shighe u iyange i lu sha tembe her la, er ka tugh nahan.
Yer mba i sambe ve la, shi de ve mba ve lu yevese la ahenge ga.
4 Ior av mba i sambe ve la ma ve lu ken a we, we Moabi.
Hingir ve ijiir i yeren shighe u or u timin kwagh a ve yô.+
Kwagh u or u a lu nan ior ican la una bee,Mtim la una bee,Shi kwagh u ior mba ve lu ndyaren mbagenev angahar la una bee sha tar kera.
5 Maa a ver ikyônough ki torough sha dooshima, mayange kia tenger ga.
Un u a tem sha ki ken tenti u Davidi la una eren kwagh sha mimi;+Una ôron ijir sha mimi shi una kuren ijir sha perapera fese je.”+
6 Se ungwa kwagh u ihyagh i Moabi—a wa ihyagh kpishi+—
Igbongor na man ihyagh na kua ishimavihin na;+Kpa kwagh môm una due ken gbilinkwagh u a lu ôron la ga.
7 Nahan Moabi una gber kwelegh sha ci u Moabi;Ve cii vea gber kwelegh.+
Mba i gbidi ve la vea kine sha ci u azen a atam a wain a uman a Kir-hareseti.+
8 Gadia ishule i Heshebon+ use kera,Kua kon u wain u Shibema,+Mbahemenev mba akuraior ndyar agbaa a u a nyian bong la angahar;*Agbaa la yem zan zan nyôr Yaser;+Agbaa la yem zan zan nyôr ken taaikyôngo.
Imende i u samber zan zan nyôr hen zegemnger.
9 Ka nahan ve me vaa sha ci u kon u Shibema er m vaa sha ci u Yaser nahan ye.
We Heshebon man Eleale,+ me heen ne iyol a mliam am,Sha ci u amo a sha iember a mbasundan samuyia man a mbakohol atam a ikyon a inyom la bee.*
10 I kar a iember man msaanyol u ken suleikyon kera,Shi i kera wa amo a sha iember shin i ger amo ken ishuleikyon i wain ga.+
Or u shoghor wain kera ngu shoghor wain shin ahungwa a shoghor wain ga,Sha ci u m na ve de u geren amo.+
11 Ka nahan ve iyav mbu lu huran mo shimi sha ci u Moabi,+Er imo i ikyar i adiguve nahan ye,Shi ishima nyian mo tsung sha kwagh u Kir-hareseti.+
12 Aluer Moabi vôr sha ijiir i taven, nahan a yem u za eren msen hen icighanjiir na je kpa, a wase un ga.+
13 Ka kwagh u Yehova vande ôron sha kwagh u Moabi je ne.
14 Kpa hegen yô, Yehova ngu kaan ér: “Ken atô u anyom atar, er anyom a or u i kimbi nan inyaregh ér nana er tom nahan,* a hee icivir i Moabi sha hanma inja i ayôôso cii, nahan ior mba ve shi her la, vea lu kpuaa shi vea gba kwagh ga.”+
