Yesaia 29:1-24
29 “Kwagh a tser Ariel,* Ariel, gar u yange Davidi haa afo her la!+
Za nen hemen u lun her hanma inyom;Za nen hemen u eren uiniongo enev+ mba ne eren hanma inyom la.
2 Kpa me va a ican sha Ariel,+Shi ijungwen man kwelegh vea lu,+Nahan una hingir mo er atse a nan nagh a Aôndo nahan.+
3 Me haa afo me kase u a ningir a tser, u nôngon ityav a we,Shi me wa igyar me kase u a ningir a tser,Me wa igyar me nôngo ityav a we.+
4 A hide a we ijime;Ka hen inya u lam ye,Shi vuulevu ua na a ungwa kwagh u u ôr la tsembelee ga.
Imo you ia due hen inya,+Er imo i or u lamen a ujijingi mba mbakpenev nahan,Shi mkaanem ou kpa maa due ivarvase shin vuulevu.
5 Ikpela i mbahyomov* enev vea hingir er vuulevu nahan,+Ikpelaior i vihin tu ia hingir vough er imough i purugh nahan.+
Man kwagh ne una er kwa môm, una er kpoo.+
6 Yehova u akum a sha una na ishima sha kwagh wenSha u una yima ne sha idyuran man tartenger man zege-ayôôso,Man sha uraahumbe man ijeverahumbe kua iniombor i usu u hian kwagh.”+
7 Nahan ikpelaior i ken akuraior cii i i lu nôngon ityav a Ariel+—Ior mba ve lu nôngon ityav a na cii la,Ayou a taven a i maa i we un atô la,Man mba ve lu eren un ican la—
Vea hingir er mnyamciem, er mpase u sha mnenge u utu nahan.
8 Een, a lu inja er shighe u mnyam ma cier or u ijen i ker nan ér nan ngu yan kwagh,Kpa nan nder ijen i lu kôron nan her nahan,Shi a lu inja er shighe u mnyam ma cier or u imura i ker nan ér nan ngu man mngerem,Kpa nan nder nan vôr shi imura i lu kôron nan her nahan.
Ka kwagh u una er ikpelaior i ken akuraior cii,I i lu nôngon ityav a Uwo u Shion je la.+
9 I kunda ne iyol shi i kpiligh ne iyol;+Cir nen kwagh sha ashe a en sha er ne nenge ga yô.+
Ve hunde msôrom, kpa ka wain ve me ga;Mba zenden ze-ze-ze, kpa ka msôrom ve me ga.
10 Gadia Yehova haa jijingi u yaven mem mem sha a ven;+A cir ne ashe, ne uprofeti,+A cir ne mtom, ne mbanengen mbampase.+
11 Hanma mpase u sha mnenge una hingir ne er mkaanem ma ken takeda u i cir i ver ikyav sha mi nahan.+ Shighe u ve ne or u nan fe u ôron takeda ér nana ôr u, ve kaa ér: “Wea lumun yô, ôr i due sha” yô, nana kaa ér: “Me fatyô ga, sha ci u i cir u i ver ikyav sha mi.”
12 Shi shighe u ve ne or u nan fe u ôron takeda ga takeda shon ér nana ôr u, ve kaa ér: “Wea lumun yô, ôr kwagh ne” yô, nana kaa ér: “M fa u ôron takeda cuku tsô kpaa ga.”
13 Yehova kaa ér: “Ior mban mba ve ikyua a mo sha zwa tsô
Shi mba nem icivir sha zwa tseegh,+Kpa ishima ve yô gema ngi ica a mo;Mcie u ve ciem la har sha atindi a ior a i tese ve la.+
14 Sha nahan yô, ka mo shi me hide me er akaa a kpilighyol a ior mban ye,+A lu kwagh u kpilighyol sha kwagh u kpilighyol;Kwaghfan u ior vev mba fan kwagh una saa ishe,Shi a yer mkav u ior vev mba bughun ashe la.”+
15 Kwagh a tser ior mba ka ve nôngo sha afatyô ve cii ér vea yer Yehova mbaawashima vev* la.+
Ka ve er akaa a ve hen ijiir i ime i we yô,Ve kaan ér: “Ka an nan nenge a vese?
Ka an nan fe kwagh wase?”+
16 Nenge imba er ka ne nzughul a akaa sha wono!
Gba u a nengen ormaantyegh ér nan ngu kwaghmôm a inyatyuu?+
Gba u kwagh u i er un la, una kaa a un u a er un la ér:
“Ka we u erem ga” shinii?+
Shi gba u kwagh u i er un la, una kaa a un u a er un la ér:
“U ngu a kwaghfan ga” shinii?+
17 Ica a gba ga tsô, a gema Lebanon una hingir suleikyon,+Nahan a nengen suleikyon la ér ka ikyô.+
18 Sha iyange la, mbakondonato vea ungwa mkaanem ma ken takeda la,Shi ashe a mbaapirashe aa nenge ken ime man angôghime.+
19 Mbaasemaleghlegh vea ember ken Yehova tsung,Shi mbaatsanev mba ve lu ken ior la, vea ember ken Un u a lu Icighan u Iserael la.+
20 Gadia or u wan tswam nana kera lu ga,Kwagh u or u kaan ihyagh una bee,Shi a tim mba ve ver ishima u eren iferkwagh la cii kera,+
21 Ve mba ka ve ôr kwagh u aiegh sha u vea na mbagen ve zua a ibo,Ve mba ka ve ver uhôn sha ci u un u a lu palegh iyol na sha hundagar la,*+Man ve mba ka ve va a anyimanakaa a gbilinigh, ve na i ôr orperapera ijir sha mimi ga la.+
22 Nahan ka kwagh u Yehova, un u yima Aberaham la,+ a ôr a ya u Yakob je ne, ér:
“Kunya ua kera kôr Yakob a iyol na ga,Shi ishigh nagh kia kera lu fuee ga.*+
23 Gadia shighe u una nenge a ônov nav,Mba ve lu tom u ave a am, hen atô na la,+Vea tsegha iti yam;Een, vea tsegha Un u a lu Icighan u Yakob la,Shi vea tile a kpiligh ve iyol a Aôndo u Iserael.+
24 Ve mba ve lu a ieren i ungwan kwagh ga la, vea zua a mkav,Shi ve mba ve gban ahon la, vea lumun kwaghwan.”
