Yesaia 17:1-14
17 Ka kwagh u i ôr sha Damaseku je ne, ér:+
“Nenge! Damaseku una kera lu gar ga,Una hingir tihi u alôgh.+
2 A undu agar a Aroer;+Aa hingir ajiir a ilev yaven her,Or môm nana ta mbi mciem iyol ga.
3 Agar a lun a ugir mba taver aa kera lu ken Eferaim ga,+Shi tartor ua kera lu ken Damaseku ga;+Ior mba ve shi ken Shiria la,Vea hingir er icivir i Mbaiserael”* nahan, kape Yehova u akum a sha a kaa la.
4 “Sha iyange la, icivir i Yakob ia pande,Shi er a lu iyol gbur gbur* nahan kpa, una kande.
5 A lu er orsunda u nan lu kohol iyiav mbi i lu a sunda ga,Nahan uwegh ku nan ku sondo asagher a samuyia nahan,Man er shighe u or nan yar twar u samuyia shin Pev* u Refaim nahan.+
6 A lu kwagh u yaren twar tseegh una shi ye,Er shighe u i ndoor itinekon u olev nahan:
A lu atam a olev a vian ahar shin atar aa shi sha gbaa u a lu sha azenger la ye,A lu atam anyiin shin ataan tseegh aa lu sha agbaa a na a umen atam la ye,”+ kape Yehova Aôndo u Iserael a kaa la.
7 Sha iyange la, or nana kenger sha Un u A Gbe nan la, shi ashe a nan aa kenger sha Un u A Lu Icighan u Iserael la.
8 Nana kenger sha atse a nan nagh,+ a a lu tom u ave a nan la ga;+ shi nana kenger kwagh u ahôaveegh a nan a er la ga, a lu mtôm ma akombom ma sha ikyon* shin atse a nanden insensi kpaa ga.
9 Sha iyange la, agar a lun a ayou a taver aa hingir er ijiir i i undu i ken ikyô nahan,+Er gbaa u yange i undu sha ishigh ki Mbaiserael nahan;Una hingir ice.
10 Gadia u hungur a Aôndo+ u a lu myom wou la;U kera umbur Vande+ wou, iyou you i taver la ga.
Ka nahan ve u kaha ishuleikyon i doonasheShi u lee imende i ken ityar igen* ye.
11 Sha iyange i u wa suleikyon wou igyar tsembelee la,U er ivor you ia mende pepe,Kpa sunda ua gema a bee sha iyange i uange man mnyoon u been ga.+
12 Ungwa! Ior kpishi mba eren ayôôso,Mba er uzegembamngerev mba ve lu kpianger nahan!
Akuraior nga eren ayôôso,Ayôôso a a nga er ihyuran i uzegembamngerev mba ve lu kpianger nahan!
13 Akuraior aa er ayôôso er ihyuran i uzegembamngerev mba ve lu kpianger nahan.
Una wa ve kwagh taver taver, nahan vea yevese a yem ica,Vea yevese er ahumbe nga a kura imough i sha iwo a yem a mi kera nahan,Vea yevese er saa u ahumbe a baveraa a tee a lu ningir a mi nahan.
14 Mciem ma a lu aikighe.
Cii man sev mbu av yô, vea kera lu ga.
Ngun ka kwar u mba ve lu yan se isharMan kwar u mba ve lu kuran se akaa je ne.
