Psalm 39:1-13
Gi a fesiman fu den pokuman: A musu prei leki wan Yedutun-poku.* Wan singi fu David.
39 Mi taki: „Mi o luku bun fa mi e waka,so taki mi no sondu nanga mi mofo.
Mi o tai mi mofo tapu, so taki mi no taki noti.Mi o du disi solanga ogrisma de krosbei fu mi.”
2 Mi no ben e taki noti moro, iya, mi tan pî.Srefi bun sani mi no ben e taki moro,ma mi ben e abi furu pen.*
3 Wan faya ben e bron na ini mi ati.
O moro mi ben e denki a tori,* o moro a faya ben e bron.
Ne mi opo mi mofo taki:
4 „Tye Yehovah, yepi mi fu kon sabi a kba fu mi libièn o langa mi abi fu libi ete.Dan mi kan kon sabi o syatu mi libi de.
5 Luku, yu gi mi wan syatu ten nomo fu libi.Gi yu a libi fu mi no langa srefsrefi.
Awinsi ala sani e go bun gi wan sma, tòg a libi fu en syatu leki wan blo. (Sela)
6 Iya, libisma e waka lontu leki wan skaduw.
Den e meki muiti* fu soso.
Wan sma e tyari furu gudu kon na wán, ma a no sabi suma o kisi den bakaten.
7 Sobun, sortu howpu mi abi, Yehovah?
Yu w’wan na mi howpu.
8 Ferlusu mi fu ala den sondu fu mi.
No meki den sma di no abi ferstan spotu mi.
9 Mi ben tan pî.Mi no ben man opo mi mofo srefi,bika na yu ben e du den sani disi nanga mi.
10 No strafu mi moro.
Mi no abi krakti moro fu di yu e naki mi.
11 Yu e strafu libisma gi den fowtu fu den, fu di yu wani taki den waka a yoisti pasi.Yu e pori den gudu fu den, neleki fa woron* e nyan krosi.
A libi fu libisma syatu leki wan blo. (Sela)
12 Yehovah, grantangi, arki a begi fu mi.Arki fa mi e kari yu fu yepi mi.
No drai yu fesi gi mi te mi e krei,
bika mi de leki wan trakondre sma gi yu.Iya, mi de leki wan sma di kon tan wan syatu pisi ten nomo,* neleki den afo fu mi.
13 No luku mi nanga atibron moro,so taki mi kan prisiri baka fosi mi dede gwe.”*
Futuwortu
^ Noso: „ma mi pen ben kon moro hebi”.
^ Noso: „geme”.
^ Hebrewtongo: „meki b’bari”.
^ A Hebrew wortu di vertaal nanga „woron” abi fu du nanga wan sortu insekt di e nyan krosi neleki kakalaka. Bakratongo: „mot”.
^ Noso: „di e libi na ini wan tra kondre”.
^ Hebrewtongo: „Fosi mi gwe èn mi no de moro”.
