Psalm 9:1-20
Gi a fesiman fu den pokuman. Wan Mut-Laben.* Wan singi fu David.
א [Alef]
9 Yehovah, nanga mi heri ati mi o prèise yu.Mi o ferteri sma fu ala den bigi sani di yu du.
2 Mi o prisiri nanga yu, iya, mi o breiti srefsrefi.Mi o singi fu prèise* yu nen fu di yu na a Moro Heiwan.
ב [Bet]
3 Te den feanti fu mi e hari gwe,den o fadon èn den o dede leti na yu fesi.
4 Yu e opo taki gi mi èn yu e gi mi leti.Yu e sdon na tapu yu kownusturu fu krutu sma na wan reti fasi.
ג [Gimel]
5 Yu pir’ai gi den kondre fu grontapu èn yu kiri den ogriwan.Yu figi a nen fu den puru fu ala ten, iya, fu têgo.
6 Yu kiri den feanti fu yu. Den no de moro.Yu pori den foto fu den.Noiti moro sma o prakseri den feanti fu yu.
ה [He]
7 Ma Yehovah na Kownu fu têgo.A seti en kownusturu fu koti krutu na wan reti fasi.
8 A o krutu den sma fu grontapu na wan reti fasi.A o krutu den pipel soleki fa a fiti.
ו[Waw]
9 Yehovah o de wan kibripresi gi den sma di trawan e pina.*A de wan kibripresi gi den sma di de na nowtu.
10 Den sma di sabi yu nen o fertrow na yu tapu.Noiti yu o gwe libi den wan di e suku yu, Yehovah.
ז [Sayin]
11 Singi fu prèise Yehovah di e tan na Sion.Ferteri sma fu den sani di a du.
12 A o memre den mofinawan èn a o strafu den sma di kiri den.A no o fergiti fa den bari suku yepi na en.
ח [Het]
13 Tye Yehovah, du bun gi mi.Luku fa den sma di no lobi mi e pina mi.
Na yu e opo mi puru na den portu fu dede,
14 so taki mi kan ferteri sma fu den bigi sani di yu du. Mi o taki fu yu na den portu fu a foto Sion.*Mi o prisiri taki yu ferlusu mi.
ט [Tet]
15 Den pipel fadon go na ini na olo di den srefi diki.Den eigi futu go fasi na ini a nèt di den ben seti.
16 Sma sabi Yehovah leki wan Gado di e koti krutu.
Den ogriwan go fasi na ini den val di den srefi seti.
(Higayon.* Sela)
י [Yod]
17 Den ogrisma o go na ini Grebi,*iya, ala den sma fu grontapu di e fergiti Gado.
18 Ma Gado no o fergiti den pôtiwanèn a howpu fu den safr’ati sma no o de fu soso.
כ [Kaf]
19 Mi e begi yu Yehovah, opo! No meki libisma wini yu.
Meki den sma fu grontapu kon na yu fesi, so taki yu kan krutu den.
20 Yehovah, mi e begi yu, meki den kon frede.Meki den pipel na grontapu kon sabi taki den na libisma nomo. (Sela)
