Psalm 144:1-15
Wan psalm fu David.
144 Prèise Yehovah, mi Stonbergi.A e leri mi fa fu feti nanga den feanti fu mi.
2 A e sori mi bun-ati.* En na mi fortresi.*En na mi kibripresi.* En na mi ferlusuman.En na mi schild. Na en mi lon go suku kibri.En na a wan di e meki sma saka densrefi na mi ondro.
3 Tye Yehovah, san na libisma taki yu e luku den?San na den pkin fu libisma taki yu e poti prakseri na den?
4 A libi fu libisma de leki wan blo.A libi fu den de leki wan skaduw di e psa gwe.
5 Yehovah, mi e begi yu, beni hemel kon na ondro èn saka kon.Fasi den bergi èn meki den puru smoko.
6 Meki faya koti na hemel fu panya den feanti fu mi go na ala sei.Sutu den peiri fu yu kon na den tapu fu bruya den.
7 Langa yu anu kmoto na hemel.Ferlusu mi èn puru mi na ini den dipi watra.Puru mi na a anu fu den trakondre sma
8 di e taki soso lei nanga den mofo.Te den e opo den ret’anu fu sweri, dan na soso lei den e lei.*
9 Mi Gado, mi o singi wan nyun singi gi yu.
Mi o singi prèisesingi* gi yu nanga bigi harpu.
10 Yu na a sma di e meki den kownu wini den feti fu den.Na yu e ferlusu yu futuboi David fu sma no kiri en nanga fet’owru.
11 Ferlusu mi èn puru mi na a anu fu den trakondre smadi e taki soso lei nanga den mofo.Te den e opo den ret’anu fu sweri, dan na soso lei den e lei.
12 Den manpkin fu wi o de leki pransun di e gro kon bigi es’esi.Den umapkin fu wi o de leki den pilari di e moi den uku fu wan kownu-oso.
13 Den maksin fu wi o furu nanga ala sortu n’nyan-sani.Wi o kon abi dusundusun meti na ini den wei fu wi.
14 Den kaw fu wi di de nanga bere no o kisi mankeri èn den no o lasi bere.Nowan sma o bari krei na den pren* fu wi.
15 Koloku fu den sma di abi a libi disi!
Koloku fu den sma di abi Yehovah leki Gado!
