Psalm 96:1-13
96 Singi wan nyun singi gi Yehovah.
Ala un pipel fu grontapu, singi gi Yehovah!
2 Singi gi Yehovah. Prèise en nen.
Ibri dei un musu ferteri a bun nyunsu taki a e ferlusu sma.
3 Ferteri den pipel fu grontapu fu a glori fu en.Iya, ferteri ala pipel fu den bigi sani di a du.
4 Yehovah bigi èn ala sma musu prèise en.
Sma musu lespeki en moro leki iniwan tra gado.
5 Ala den gado fu den tra pipel na gado di no warti noti.Ma na Yehovah meki hemel.
6 En na wan Gado di e kisi furu grani èn di abi bigi glori.Krakti nanga prisiri de na ini a santa presi fu en.
7 Ala famiri fu grontapu, un prèise Yehovah.Prèise Yehovah fu a glori nanga a krakti fu en.
8 Prèise Yehovah fu di en nen bigi.Tyari wan kado kon èn kon na ini den tempel-dyari fu en.
9 Weri santa krosi èn boigi gi* Yehovah.*Un pipel fu grontapu, un musu abi bigi lespeki gi en!
10 Taigi den pipel fu ala kondre: „Yehovah tron Kownu!
Grontapu seti steifi, a no man seki.*
Gado o krutu* den pipel na wan reti fasi.”
11 Meki hemel prisiri èn meki grontapu breiti.Meki a se nanga ala den sani di de na ini bari leki dondru.
12 Meki den gron nanga ala sani di e gro drape prisiri.
Meki ala den bon na ini a busi bari fu prisiri tu
13 na fesi Yehovah, fu di a e kon.*A e kon fu krutu grontapu.
A o krutu grontapu na wan reti fasi.Iya, a o krutu den pipel fu grontapu na wan reti fasi.
