Psalm 55:1-23
Gi a fesiman fu den pokuman: A musu prei tapu sani di gersi harpu. Wan Maskil.* Wan psalm fu David.
55 Gado grantangi, arki a begi fu mi.No tapu yu yesi te mi e begi yu fu abi sar’ati nanga mi.*
2 Poti prakseri na mi èn piki mi.
Den brok’ede fu mi e meki mi ati de na dyompoèn mi no sabi san mi musu du.
3 Den feanti fu mi e taki dati den o du ogri nanga mièn den ogrisma e kwinsi mi.
Den e tan poti hebi na mi tapufu di den ati e bron nanga mi èn fu di den e teige mi.
4 Soso pen mi e firi na ini mi atièn mi e frede taki mi o dede.
5 Mi e frede, iya, mi e beifi.Mi heri skin e beifi.
6 Ala leisi mi e taki: „Mi winsi taki mi ben abi frei leki wan doifi!
Dan mi ben o frei go na wan presi pe mi kan kibri.
7 Mi ben o frei go farawe.
Mi ben o go tan na ini a sabana. (Sela)
8 Mi ben o lon go na wan presi pe mi kan kibri.Mi ben o go kibri gi a tranga winti nanga a draiwinti.”
9 Yehovah, bruya den. No meki den du san den abi na prakseri,*bika na soso ogri nanga trobi mi si na ini a foto.
10 Dei nanga neti den e waka lontu na tapu den skotu fu a foto.Na soso ogri nanga problema de na ini a foto.
11 Ogri lai drape.Den strati furu nanga sma di e kwinsi trawan èn di e bedrigi sma.
12 A no wan feanti e gi mi pornen,noso mi ben o man teki en.
A no wan feanti e suku fu du mi ogri,noso mi ben kan go kibri gi en.
13 Ma na wan libisma leki mi e du den sani disi nanga mi.Mi eigi mati di mi sabi bun.
14 Mi nanga en ben de bunbun mati.Wi ben gwenti waka go na a oso fu Gado, makandra nanga furu tra sma.
15 Meki den dede gwe!
Meki den saka go na ini Grebi* libilibi,bika na soso ogri den e prakseri.
16 Ma mi o bari kari Gado.Na Yehovah o ferlusu mi.
17 Te neti, te m’manten nanga brekten mi e broko mi ede èn mi e geme.*Èn Gado e yere mi sten.
18 A o ferlusu mi èn a o kibri mi libi te sma kon feti nanga mi,bika den sma di kon feti nanga mi furu srefsrefi.
19 Gado di e sdon na tapu en kownusturu sensi owruten,o yere èn a o strafu den. (Sela)
Den sma di no abi lespeki gi Gadono o wani kenki.
20 A* go feti nanga sma di e libi bun nanga en.A broko a ferbontu di a meki nanga mi.
21 Den wortu fu en grati moro botro,ma na soso feti a e prakseri.
Den wortu fu en switi,*ma den de leki srapu fet’owru.
22 Trowe yu hebi na tapu Yehovah,dan a o horbaka gi yu.
Noiti a o gi pasi taki wan ret’ati sma fadon.*
23 Ma yu, mi Gado, o meki den ogriwan saka go na ini a moro dipi olo.
Den wan di abi brudu-paiman nanga den bedrigiman no o doro afu fu den libi srefi.
Ma mi, mi o fertrow na yu tapu.
