Psalm 108:1-13
Wan singi fu David.
108 Mi o tan lobi yu nanga mi heri ati, mi Gado.
Nanga mi heri ati* mi o singi èn mi o prei poku gi yu.
2 Mi wani prei harpu nanga tra sani di gersi harpu.
Mi o wiki fosi a son opo.
3 Yehovah, mi o prèise yu na fesi den pipel.Mi o singi prèisesingi* gi yu na fesi den sma fu difrenti kondre.
4 A lobi* fu yu bigi so te, taki a e doro te na hemel.Den bun sani di yu e du furu so te, taki den e doro te na den wolku.
5 Mi Gado, sori a glori fu yu na hemel.Meki a glori fu yu de fu si na heri grontapu.
6 Ferlusu wi nanga yu ret’anu. Piki mi.Na so den sma di yu lobi o kisi kibri.
7 Gado santa.* Dati meki a taki:
„Mi o prisiri srefsrefi. Mi o meki mi pipel kisi Sikem leki gudu.Mi o marki Sukot-lagipresi fu prati en gi a pipel fu mi.
8 Gilead na fu mi èn Manase na fu mi tu.Efrayim na mi helm.*Yuda na a tiriman-tiki fu mi.
9 Moab na mi beki fu wasi sani na ini.
Mi o trowe mi susu na tapu Edom.
Mi o bari fu prisiri taki mi wini Filistea.”
10 Gado, suma o tyari mi go na a tranga foto?
Suma o tyari mi go te na Edom?
11 A no yu di gwe libi wi?Yu no e hari go feti makandra nanga a legre fu wi moro.
12 Mi e begi yu, yepi wi te wi de na nowtu,bika wi sabi taki libisma no man ferlusu wi.
13 Na Gado o gi wi krakti.Na en o masi den feanti fu wi nanga en futu.
