Psalm 24:1-10
-
A kownu di abi bigi glori e kon na insei
-
„Na Yehovah abi grontapu” (1)
-
Wan singi fu David.
24 Na Yehovah abi grontapu nanga ala den sani di de na en tapu.Na en abi a doti fu grontapu nanga ala den sma di e libi drape.
2 A poti a fundament fu grontapu steifi na ini den se èn na ini den liba.
3 Suma kan kren go na tapu a bergi fu Yehovah?Suma kan tnapu na a santa presi fu en?
4 Na a sma di no e du ogri èn di e du sani nanga wan krin ati,di no e lei te a e sweri na ini mi nen*èn di no e meki sweri fu kori trawan.
5 Yehovah o blesi a sma dati.A Gado di e ferlusu en, o tan si en leki wan ret’ati sma.
6 Disi na den sma di e suku Gado.Den wani dini yu, a Gado fu Yakob. (Sela)
7 Un portu, un hari go moro na loktu.Un doro di de someni yari kba, un bradi opo.Meki a Kownu di abi bigi glori kon na insei!
8 Suma na a Kownu disi di abi bigi glori?
Na Yehovah, a tranga èn makti Gado.Na Yehovah, a Gado di e wini ala feti.
9 Un portu, un hari go moro na loktu.Un doro di de someni yari kba, un bradi opo.Meki a Kownu di abi bigi glori kon na insei!
10 Suma na a Kownu disi di abi bigi glori?
En na Yehovah di e tiri den legre, iya, en na a Kownu di abi bigi glori. (Sela)
Futuwortu
^ Noso: „mi libi”. Disi na a libi fu Yehovah.
