Psalm 46:1-11
Gi a fesiman fu den pokuman. Wan singi fu den bakapkin fu Korak. A musu singi leki wan Alamot-singi.*
46 Gado na wan kibripresi gi wi èn a e gi wi krakti.Ala ten wi kan feni yepi na en te wi de na nowtu.
2 Dati meki wi no o frede, awinsi grontapu ben o kenkinoso awinsi den bergi ben o seki so te, taki den broko fadon èn sungu gwe na ini a dipi se.
3 Wi no o frede, awinsi a watra fu a se krasi èn e kuku skuma kon na tapu,iya, awinsi a krasi se e meki den bergi seki. (Sela)
4 Wan liba de èn den kriki fu en e meki a foto fu Gado prisiri.Iya, den e meki a moro santa presi prisiri. Dati na a santa tabernakel fu a Moro Heiwan.
5 Gado de na ini a foto. Nowan sma kan teki a foto abra.
Gado o yepi a foto disi te dei opo.
6 Den kondre ben e bruya èn den kownukondre fadon.Di a opo en sten, grontapu bigin smelter.
7 Yehovah di e tiri den legre de nanga wi.A Gado fu Yakob de leki wan bergi pe wi kan lon go kibri. (Sela)
8 Un kon luku san Yehovah du.Un kon luku sortu bigi sani a du na grontapu.
9 Na ala sei fu grontapu a e meki taki feti no de moro.
A e broko den bo èn den lansri a e broko pispisi.Den fetwagi* a e bron na ini faya.
10 A e taki: „Un no gens mi moro. Sabi taki mi na Gado.
Na mi den pipel fu den kondre o gi bigi grani.Na mi den sma fu grontapu o gi glori.”
11 Yehovah di e tiri den legre de nanga wi.A Gado fu Yakob de leki wan bergi pe wi kan lon go kibri. (Sela)
