Psalm 4:1-8
Gi a fesiman fu den pokuman: A musu prei tapu sani di gersi harpu. Wan singi fu David.
4 Mi Gado di e du san reti, grantangi arki mi te mi e kari yu.
Suku wan fasi fu ferlusu mi* te mi de na nowtu.
Abi sar’ati nanga mi èn arki a begi fu mi.
2 Un libisma, o langa unu o du sani fu meki mi kisi syen?
O langa unu o tan lobi sani di no warti noti èn o langa unu o tan suku ala sortu fasi fu lei? (Sela)
3 Un musu sabi taki Yehovah o gi grani na a sma di e tai hori na en.*Yehovah o yere te mi e kari en.
4 Te yu ati bron, yu no musu sondu.
Taki san yu abi fu taki na ini yu ati, na tapu yu bedi, dan yu tan tiri. (Sela)
5 Tyari ofrandi nanga wan krin atièn fertrow tapu Yehovah.
6 Furu sma e taki: „Suma o meki sani waka bun gi wi?”
Tye Yehovah, du bun gi wi.
7 Yu meki mi ati prisirimoro leki den sma di abi bun furu aleisi nanga nyun win.
8 Mi o kanti d’don èn mi o sribi bun.Bika na yu, Yehovah, yu w’wan kan kibri mi.
