Psalm 139:1-24
Gi a fesiman fu den pokuman. Wan singi fu David.
139 Yehovah, yu ondrosuku mi èn yu sabi mi heri bun.
2 Yu sabi o ten mi e saka sdon èn o ten mi e opo baka.
Yu de farawe, ma tòg yu sabi san mi e prakseri.
3 Yu e luku* mi te mi e waka èn te mi e go d’don.Yu sabi ala san mi e du.
4 Yehovah, fosi mi opo mi mofo,yu sabi kba san mi wani taki.
5 Yu tapu mi lontu na ala sei.Yu poti yu anu na mi tapu.
6 Mi no man ferstan ala den sani disi.*
Den dipi tumsi gi mi fu ferstan.
7 Pe mi kan go kibri gi a yeye fu yuèn pe mi kan lon go, so taki yu no si mi?
8 Efu mi ben o opo go na hemel, yu ben o de drape.Efu mi ben o seti mi bedi na ini Grebi,* dan yu ben o de drape tu.
9 Efu mi ben o teki den frei fu musdeifu frei go tan na a moro farawe se,
10 dan drape srefi yu anu ben o tyari mièn yu ben o grabu mi hori nanga yu ret’anu.
11 Awinsi mi ben o taki: „Mi de seiker taki dungru o tapu mi”,
tòg neti ben o de leki deiten gi mi.
12 Awinsi a ben o dungru pikapika, tòg a no ben o dungru tumsi gi yu.Ma neti srefi ben o krin leki dei.Dungru ben o de leki deiten.
13 Na yu ben meki den niri fu mi.Yu ben kibri mi* na ini mi m’ma bere.
14 Yu meki mi na wan wondru fasi. Dati meki mi abi bigi lespeki gi yu èn mi o prèise yu.
Den sani di yu du bigi srefsrefi.Mi sabi dati heri bun.
15 Di mi ben meki na wan presi di tra sma no man si, yu ben e si mi.Di mi ben e gro na ini mi m’ma bere,* den bonyo fu mi no ben kibri gi yu.
16 Yu ai ben si mi di mi ben de na ini mi m’ma bere.Srefi di nowan pisi fu mi skin ben de ete,yu ben skrifi kba na ini a buku fu yutaki ala den difrenti pisi fu mi skin ben o kon de.
17 Dati meki den prakseri fu yu warti trutru gi mi!
Mi Gado, den furu srefsrefi!
18 Efu mi ben o pruberi fu teri den, dan den ben o furu moro leki santi.
Te mi ben o wiki m’manten, mi ben o teri den ete.*
19 Mi Gado, mi winsi taki yu kiri den ogrisma!
Dan den sma di e du ogri* ben o kmoto na mi tapu.
20 Den e taki ogri fu yu.*Den na yu feanti èn den e gebroiki yu nen na wan fasi di no fiti.
21 Yehovah, yu sabi taki mi no lobi den sma di e teige yu.Yu sabi taki mi e teige den sma di e gens yu.
22 Mi no lobi den srefsrefi.Den tron bigi feanti fu mi.
23 Mi Gado, ondrosuku mi èn kon sabi mi ati.
Luku mi finfini èn kon sabi san e moro mi.
24 Luku efu takru prakseri de na ini mi ati.Sori mi a pasi fu têgo libi.
Futuwortu
^ Hebrewtongo: „marki”.
^ Noso: „Ala den sani disi e ferwondru mi”.
^ Noso kande: „brei mi kon na wán”.
^ Hebrewtongo: „Di yu ben brei mi leki wan krosi na ini den moro dipi presi fu grontapu”.
^ Hebrewtongo: „mi ben o de nanga yu ete”.
^ Noso: „den sma di abi brudu-paiman”.
^ Noso: „taki soleki fa den e denki”.
