Psalm 30:1-12
-
Sari e tron prisiri
-
Te Gado lobi wan sma, dan dati na fu ala ten (5)
-
Wan singi di David singi di a gi na oso abra na Gado. Wan psalm fu David.
30 Mi o prèise yu, Yehovah, bika yu ferlusu mi.Yu no meki mi feanti prisiri di mi ben e pina.
2 Tye Yehovah mi Gado, na yu mi kari fu yepi mi èn yu dresi mi.
3 Yehovah, na yu puru mi na Grebi.*
Na yu hori mi na libi. Yu no meki mi saka go na ini a grebi-olo.
4 Meki den sma di e tai hori na Yehovah singi prèisesingi* gi en.Prèise en gi a santa nen fu en.
5 Bika te Gado ati e bron nanga wan sma, dan dati na fu wan syatu pisi ten nomo.Ma te a lobi wan sma, dan dati na fu ala ten.
Kande wan sma e bari krei na neti, ma na m’manten a e bari fu prisiri baka.
6 Di sani ben e waka bun gi mi, mi taki:
„Noiti mi o fadon.”*
7 Yehovah, di yu ben feni mi bun, mi ben tranga leki wan bergi.
Ma di yu kibri yu fesi gi mi, mi ben kon frede srefsrefi.
8 Yehovah, na yu mi tan kari.Iya, na Yehovah mi tan begi fu du bun gi mi.
9 Sortu wini a o abi efu mi dede, efu mi saka go na ini a grebi-olo?
A doti o man prèise yu? A o man ferteri sma taki ala ten yu e du san yu pramisi?
10 Yehovah, arki mi èn du bun gi mi.
Yehovah, yepi mi.
11 Fosi, mi ben e sari, ma now yu e meki mi dansi fu prisiri.Yu puru mi rowkrosi* na mi skin èn yu e meki mi prisiri.
12 Dati meki mi* o singi prèisesingi gi yu. Mi no o tan pî.
Yehovah mi Gado, mi o prèise yu fu ala ten.
