Psalm 20:1-9
-
Gado e ferlusu a salfu kownu fu en
-
Son sma e fertrow tapu den asiwagi nanga den asi fu den, ’ma wi e kari a nen fu Yehovah wi Gado’ (7)
-
Gi a fesiman fu den pokuman. Wan singi fu David.
20 Meki Yehovah piki yu te yu de na nowtu.
Meki a nen fu a Gado fu Yakob kibri yu.
2 Meki a seni yepi gi yu kmoto fu a santa presièn meki a horbaka gi yu kmoto fu Sion.
3 Meki a memre ala den ofrandi di yu tyari gi enèn meki a teki den bron-ofrandi fu yu nanga prisiri.* (Sela)
4 Meki a gi yu ala san yu ati wanièn meki a sorgu taki ala sani di yu abi na prakseri fu du, waka bun.
5 Wi o bari fu prisiri, fu di yu ferlusu wi.Wi o prèise a nen fu wi Gado.
Meki Yehovah gi yu ala san yu aksi en.
6 Now mi sabi taki Yehovah e ferlusu a salfuwan fu en.
A e piki en kmoto fu en santa presi na hemel.Nanga en ret’anu a e du bigi sani fu ferlusu en.*
7 Son sma e fertrow tapu den asiwagi fu den. Trawan e fertrow tapu den asi di den abi.Ma wi o kari a nen fu Yehovah wi Gado.
8 Ala den feanti fu yu naki futu èn den fadon.Ma wi opo èn wi tan tnapu kánkan.
9 Yehovah, wi e begi yu, ferlusu a kownu!
Piki wi te wi e kari yu fu yepi wi.
