Psalm 7:1-17
-
Yehovah e koti krutu na wan reti fasi
-
’Tye Yehovah, krutu mi’ (8)
-
Wan sari singi di David ben singi gi Yehovah fu den sani di Kus, wan man fu a lo fu Benyamin, ben taki.
7 Tye Yehovah mi Gado, na yu mi kon suku yepi.
Kibri mi gi ala den sma di wani du ogri nanga mi. Ferlusu mi.
2 Noso den o priti mi pispisi leki wan lew.Den o grabu mi tyari gwe èn nowan sma o de fu yepi mi.
3 Tye Yehovah mi Gado, efu mi du wan ogri trutruèn efu mi du wan sani di no bun,
4 iya, efu mi du ogri nanga a sma di du mi wan bun,noso efu mi fufuru den sani fu mi feanti, aladi a no du noti nanga mi,*
5 dan meki mi feanti hari kon na mi baka fu kiri mi.Meki a grabu mi èn trapu mi kiri.Meki a libi mi d’don na gron nanga syen. (Sela)
6 Mi e begi yu Yehovah, sori taki yu ati e bron èn opo.Opo du wan sani nanga den sma di ati e bron nanga mi.Grantangi yepi mi èn meki den sma disi kisi den strafu.
7 Meki den pipel kon tnapu na yu lontu.Opo feti nanga den kmoto fu hemel.
8 Yehovah o leisi strafu gi ala pipel.
Tye Yehovah, te yu o krutu mi, dan memre a bun fasi fa mi tyari misrefi.Memre fa mi du a wani fu yu.
9 Mi e begi yu, meki den ogriwan tapu nanga den ogri fu den.
Ma meki sani waka bun gi den ret’ati sma.Bika yu na wan Gado fu retidu. Yu e ondrosuku na ati nanga den moro dipi firi fu sma.*
10 Gado na a schild di e kibri mi. A de wan Ferlusuman gi den krin-ati sma.
11 Gado na wan Krutuman di e koti krutu na wan reti fasi.Ala dei Gado e krutu den ogrisma.
12 Efu wan sma e tan du ogri, dan Gado o srapu en fet’owru.A o span en bo fu sutu nanga en.
13 A e sreka den fetsani fu en di e kiri sma.A o meki den peiri fu en kon tron peiri di abi faya.
14 Luku, wan sma de nanga bere fu ala sortu ogri.A de nanga bere fu ala sortu problema èn a pkin di a o meki na soso lei.
15 A e diki wan olo èn a e meki a kon moro dipi.Ma a o fadon na ini a srefi olo di a diki.
16 Den ogri di a e du o drai kon na tapu en eigi ede.Na ogri fu en o fadon leti na tapu en eigi mindri-ede.
17 Mi o prèise Yehovah fu di a e du san reti.Mi o singi fu prèise* a nen fu Yehovah, a Moro Heiwan.
