Psalm 27:1-14
Wan psalm fu David.
27 Yehovah na a leti fu mi èn na en e ferlusu mi.
Suma kan meki mi frede?
Yehovah na wan fortresi* pe mi kan lon go fu tan na libi.
Suma o man tapu skreki gi mi?
2 Di den ogriman kon na mi tapu fu kiri mi,dan na den gensman nanga den feanti fu mi naki futu èn den fadon.
3 Awinsi wan heri legre seti kampu lontu mi,tòg mi no o frede.
Awinsi furu sma kon feti nanga mi,tòg mi o tan fertrow tapu Gado.
4 Wán sani mi aksi Yehovahèn dati na san mi wani trutru:Mi wani tan na ini na oso fu Yehovah, solanga mi de na libi.Mi wani si fa Yehovah bunèn mi wani luku a tempel* fu en nanga prisiri.
5 Bika a o kibri mi na ini a kibripe fu en te nowtu miti mi.A o kibri mi na ini a tenti fu en di de na wan presi di tra sma no sabi.Te na tapu wan hei stonbergi a o poti mi.
6 Dati meki mi wini ala den feanti di lontu mi.Mi o bari fu prisiri te mi o tyari ofrandi na a tenti fu Gado.Mi o singi prèisesingi* gi Yehovah.
7 Grantangi Yehovah, arki mi te mi e kari yu nanga wan tranga sten.Du bun gi mi èn piki mi.
8 Mi e memre san yu taki:
„Suku mi.”
Dati meki mi o suku yu, Yehovah.
9 No kibri yu fesi gi mi.
No drai yu baka gi yu futuboi fu di yu ati e bron.
Yu na mi yepiman.No gwe libi mi èn no drai yu baka gi mi, bika yu na a Gado di e ferlusu mi.
10 Awinsi mi eigi p’pa noso mi eigi m’ma gwe libi mi,tòg Yehovah srefi o sorgu gi mi.
11 Yehovah, sori mi a pasi fu yu.Yepi mi fu waka a reti pasi, so taki mi feanti no man du mi ogri.
12 No libi mi gi den feanti fu mi,bika falsi kotoigi e gens mièn den e suku fu du mi ogri.
13 Solanga mi de na libi Yehovah o du bun gi mi.Efu mi no ben bribi a sani disi, dan san ben o psa nanga mi?*
14 Wakti Yehovah.Abi dek’ati èn no frede.
Iya, wakti Yehovah.
