Psalm 29:1-11
Wan singi fu David.
29 Prèise Yehovah, un manpkin fu den trangawan.Prèise Yehovah fu a glori nanga a makti fu en.
2 Prèise Yehovah fu di en nen bigi.
Weri santa krosi èn boigi gi* Yehovah.*
3 A sten fu Yehovah de fu yere na tapsei fu den wolku.A sten fu a bigi Gado de leki dondru.
Yehovah de na tapsei fu den dungru wolku.
4 A sten fu Yehovah krakti.A sten fu Yehovah moi srefsrefi.
5 A sten fu Yehovah e koti den sedrebon trowe.Iya, Yehovah e broko den sedrebon fu Libanon pispisi.
6 A e meki Libanon* dyompodyompo leki wan yongu kaw.Èn a e meki Sirion dyompodyompo leki wan yongu mankaw.
7 A sten fu Yehovah e meki faya koti na hemel.
8 A sten fu Yehovah e seki a sabana.Yehovah e seki Kades-sabana.
9 A sten fu Yehovah e meki den dia di de nanga bere skreki so te, taki den e kisi den pkin.A sten fu en e koti wan heri busi trowe.
Ala sma di de na ini a tempel fu en e taki: „Gi Gado glori!”
10 A kownusturu fu Yehovah de na tapu den bigi watra.*Yehovah na Kownu fu ala ten.
11 Yehovah o gi en pipel krakti.
Yehovah o blesi en pipel. A o meki den libi na ini freide.
