Psalm 103:1-22
Wan psalm fu David.
103 Mi o prèise Yehovah.Iya, nanga mi heri ati mi o prèise en santa nen.
2 Mi o prèise Yehovah.Mi no o fergiti nowan fu den sani di a du.
3 A e gi yu pardon fu ala yu sondu.A e fri yu fu ala yu pina.
4 A e puru yu na ini grebi-olo, so taki yu kan libi baka.A e sori yu bun-ati* èn a abi sar’ati nanga yu.
5 Yu heri libi a e du soso bun gi yu.A e meki yu kisi krakti baka* neleki wan aka.
6 Yehovah e du san reti èn a e koti krutu na wan reti fasigi iniwan sma di trawan e pina.
7 A ben meki Moses kon sabi den pasi fu en.Iya, a sori den Israelsma san a man du.
8 Yehovah na wan Gado di abi sar’ati èn a e firi gi sma.*En ati no e bron esi èn a abi bigi lobi.*
9 A no o tan suku fowtu na wièn a no o hori wi na ati fu têgo.
10 A no gi wi a strafu di wi ben musu kisi gi den sondu fu wi.A no meki wi pai gi ala den fowtu di wi meki.
11 Bika neleki fa yu no man marki o fara hemel de fu grontapu,na so yu no man marki a bigi lobi* di Gado abi gi den sma di abi bigi lespeki gi en.
12 So fara leki son-opo de fu sondongo,na so fara fu wi a poti den sondu fu wi.
13 Neleki fa wan p’pa abi sar’ati nanga den manpkin fu en,na so Yehovah abi sar’ati nanga den sma di abi bigi lespeki gi en.
14 Bika Gado sabi heri bun fa wi meki.A e hori na prakseri taki na fu doti wi meki.
15 Wan libisma e libi syatu neleki grasi.A de leki wan bromki fu a sabana di e opo kon gi wan syatu pisi ten nomo.
16 Wan pkin winti nomo e wai, dan a no de moro.A de neleki noiti a ben de.*
17 Ma fu têgo Yehovah e sori bun-ati*gi den sma di abi bigi lespeki gi en.A e du san reti gi den bakapkin fu den sma disi,
18 iya, gi den wan di e hori a ferbontu fu enèn gi den wan di e du ala san a taki.
19 Yehovah seti en kownusturu steifi na ini hemel.En na Kownu fu ala sani.
20 Ala un engel fu Yehovah, un prèise en,iya, unu di tranga srefsrefi, di e arki en sten èn di e du san a taki.*
21 Ala un legre fu Yehovah, un prèise en,iya, unu di e dini en èn di e du a wani fu en.
22 Meki ala den sani di Yehovah meki prèise enna ala presi pe a e tiri.
Mi o prèise Yehovah nanga mi heri ati.
