Psalm 70:1-5
-
Wan begi fu kisi yepi es’esi
-
„Kon yepi mi es’esi” (5)
-
Gi a fesiman fu den pokuman. Wan psalm fu David di sma musu memre.
70 Mi Gado, mi e begi yu, ferlusu mi.Yehovah, kon yepi mi es’esi.
2 Meki den sma di e suku fu kiri mi, kisi syen.Broko den saka.
Meki den sma di e prisiri te ogri e miti mi, drai gwe baka.Meki den fesi fadon.
3 Meki den sma di e taki: „Ai! Kisi en moi!”,
drai gwe baka, fu di den kisi syen.
4 Ma meki ala sma di e suku yu, breiti.Iya, meki den prisiri nanga yu.
Meki den sma di e angri fu yu ferlusu den, taki ala ten:
„Meki Gado kisi glori!”
5 Mi no abi nowan sma fu yepi mi èn mi pôti.Mi Gado, kon yepi mi es’esi.
Yu na mi Yepiman nanga mi Ferlusuman.Yehovah, mi e begi yu, no kon lati.
