Psalm 62:1-12
Gi a fesiman fu den pokuman: A musu prei leki wan Yedutun-poku.* Wan singi fu David.
62 Nanga pasensi mi e wakti Gado.
Na en o ferlusu mi.
2 En na mi stonbergi èn a e ferlusu mi. Na en mi e lon go kibri.*Mi no o fadon te mi stotu mi futu.
3 O langa unu o pruberi fu kiri a sma di unu no lobi?
Un alamala de leki wan skotu di e kanti, iya, wan ston skotu di de fu fadon.
4 Den e span anu fu naki en puru fu a hei posisi fu en.Den lobi ferteri lei.
Nanga den mofo den e blesi sma, ma na ini den ati den e fluku den. (Sela)
5 Nanga pasensi mi o wakti Gado,bika na en e gi mi howpu.
6 En na mi stonbergi èn a e ferlusu mi. Na en mi e lon go kibri.Mi no o stotu mi futu.
7 Na Gado e ferlusu mi èn na en e gi mi glori.
Gado na wan tranga stonbergi gi mi. En na mi kibripresi.
8 Un pipel, fertrow tapu Gado ala ten.
Ferteri en ala san de tapu un ati.
Gado na wi kibripresi. (Sela)
9 A libi fu libisma syatu leki wan blo.Yu no man fertrow libisma.
Awinsi yu ben o poti den alamala na tapu wan wegi, tòg den ben o lekti moro a winti.
10 No denki taki sani o waka bun nanga unu te unu e bedrigi sma.No prakseri taki unu o kisi wini te unu e roof sma.
Awinsi unu e kisi moro gudu, no fertrow na en tapu.
11 Tu leisi mi yere Gado taki a sani disi:
Na Gado abi ala krakti.
12 Yehovah, yu e sori sma bun-ati.*Yu e pai ibri sma gi den sani di den e du.
Futuwortu
^ Noso: „En na mi bergi pe mi e go kibri”.
